FARGERIKT: Birthe Olsen frå Odda fann fort noko ho likte. (Alle foto: Vetle Mikkelsen)
FARGERIKT: Birthe Olsen frå Odda fann fort noko ho likte. (Alle foto: Vetle Mikkelsen)

– Eg kjøper halve butikken før me er ferdige

Fredag var det duka for vin, mat og mote på Laukhamar Fritid. Jentekvelden blei ein suksess.
Publisert 11.05.2019 kl. 13.54.

– Eg har blitt invitert av mamma, på damekveld med moteshow, smilte Birthe Olsen.

Ho er opphaveleg odding, men er no busett i Stavanger. Det blir likevel nokre turar til Tysnes i året; her bur nemleg foreldra hennar.

Moteshowet var det Ivyelli som stod for. Det fall i smak:

– Det er inga hemmelegheit at eg er glad i mote. Eg jobbar i eit italiensk firma med merkevevarer, fortalde Olsen.

Ho la til at det er hyggeleg at det finst slikt på Tysnes òg. Ho heldt opp ei fargerik veske og ei hårspenne.

– Eg kjøper halve butikken før me er ferdige, lo oddingen.


Fann noko dei likte

– Denne kunne eg tenkt meg, for eg er så høg, sa Torill Sandvik Henanger.

Ho heldt opp ein kjole med leopardmønster.

– Den var veldig flott, la ho til.

Den same kjolen syntest Bente Aasheim var tiltalande. Dette var hennar første skikkelege møte med moten til Ivyelli.

– Eg har aldri vore innom butikken. Eg er veldig sjeldan i Våge, sa uggdølen.

Ho likte likevel kveldens arrangement godt.

– Det er veldig kjekt at dei finn på sånt, og at det finst forskjellige arrangement rundt omkring. Det er ei unnskyldning til å koma seg ut av huset, sa ho.

– Dei viser kleda, så kan du velja å kjøpa noko viss du vil. Og så kan du drikka vin og snakka med folk, la Aasheim til.


Nøgde moteskaparar

– Me har hatt moteshow, og så blir det litt matservering, sa Ina Kaldefoss, ei av dei som er dagleg leiar ved Ivyelli.

– Og så blir det moglegheit for litt shopping, la Heidi Lande, den andre daglege leiaren, til.

Dei var begge fornøgde med konseptet.

– Dette er jo veldig gøy for damer. Det er både shopping, vin og god mat, sa Kaldefoss.

Ho la til at det var veldig kjekt at Laukhamar Fritid bad dei om å koma og ha moteshow.

– Korleis er det eigentleg å driva motebutikk i Våge?

– Det er tøft, men veldig gøy. På sommaren er det ekstra kjekt, for då er det mykje folk, svarte Kaldefoss.

Etter idé frå Heidi Lande, starta dei to venninnene først opp ein nettbutikk i 2017. Det var først seinare, i 2018, at dei utvida med den fysiske butikken i Våge.


Kan gjentakast

– Eg hadde eit liknande arrangement for to år sidan, med Annes Klær, sa Sissel Karin Clausen, dagleg leiar ved Laukhamar Fritid.

Ho hadde lyst til å gjenta suksessen, og då spurde ho Ivyelli.

– Kva syntest du om showet?

– Eg er fornøgd, svarte Clausen.

– Det kan vera greitt å gjenta dette. Det er kjekt for folk å få sjå kleda på ein person, la ho til.



KONFERANSIER: Ina Kaldefoss fortalde dei frammøtte om modellane, og kva dei hadde på seg.
KONFERANSIER: Ina Kaldefoss fortalde dei frammøtte om modellane, og kva dei hadde på seg.
MODELL: Janne Hatteberg var blant dei som viste fram kva Ivyelli har å by på.
MODELL: Janne Hatteberg var blant dei som viste fram kva Ivyelli har å by på.
FLOTT: Torill Sandvik Henanger likte fleire av plagga ho såg, blant anna denne leopardkjolen.
FLOTT: Torill Sandvik Henanger likte fleire av plagga ho såg, blant anna denne leopardkjolen.
KJEKT: Bente Aasheim skrytte av arrangementet.
KJEKT: Bente Aasheim skrytte av arrangementet.
FORNØGD ARRANGØR: Sissel Karin Clausen ser ikkje bort ifrå at det kan bli fleire jentekveldar på Laukhamar Fritid.
FORNØGD ARRANGØR: Sissel Karin Clausen ser ikkje bort ifrå at det kan bli fleire jentekveldar på Laukhamar Fritid.

Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...