MOROSAM LEIK: Det var stor stas for barna å få kasta våte svampar på ungdomane. (Alle foto: Vågsmarka barnehage)
MOROSAM LEIK: Det var stor stas for barna å få kasta våte svampar på ungdomane. (Alle foto: Vågsmarka barnehage)

Dagens ros: «Barna blomstra i lag med dykk»

Publisert 15.05.2019 kl. 14.00.

Hakkespettar og Ugler med personale i Vågsmarka barnehage ynskjer å gje dagens ros til Eli Sandvik og 8. klasse ved Tysnes skule. Dei skriv:

«Tusen takk for ein flott 17. mai-aktivitetsdag saman med dykk i hallen 10. mai. De er ein super gjeng ungdommar som tok godt imot oss, og hadde eit veldig kjekt opplegg for oss. Barna blomstra i lag med dykk.»

Styrar Eldbjørg Knutsen fortel til «Tysnes» at borna mellom anna fekk kasta våt svamp på 8. klassingane, og etter leikeøkta fekk dei servert hot dog, saft og is.

– Ein kjempefin dag for store og små, kommenterer Knudsen.

Måndag denne veka var det desssutan «mini 17. mai» i Vågsmarka barnehage, der borna både fekk prøva eit hoppeslott og øva på å gå i 17. mai-tog.

No har dei med andre ord fått ein god forsmak på kva som ventar dei på fredag.



TOG: I Vågsmarka barnehage har dei øvd på å gå i tog, så no kan nasjonaldagen berre koma.
TOG: I Vågsmarka barnehage har dei øvd på å gå i tog, så no kan nasjonaldagen berre koma.
SPENNANDE: Dette hoppeslottet vart ein populær attraksjon.
SPENNANDE: Dette hoppeslottet vart ein populær attraksjon.

Siste saker Gå til framsida

Søkte om meir pengar

Etter underskotet i fjor er Tysnesfest i år tilbake på pluss-sida. Samtidig er kommunepolitikarane innstilte på å auka støtten til festivalen.