TESTA SKOTFOTEN: Thea Lundevold viste prov på god skotteknikk då ho prøvde å treffa eit av hjørnene i eit fotballmål.
TESTA SKOTFOTEN: Thea Lundevold viste prov på god skotteknikk då ho prøvde å treffa eit av hjørnene i eit fotballmål.

Koste seg i strålande 17. mai-vêr

Tysneshallen og skuleplassen vart fylt med små og store då 17. mai vart feira i Tysnesbygda.
Publisert 17.05.2019 kl. 16.12.

Feiringa i Tysnesbygda starta som vanleg med folketoget som bevegde seg frå kaien i Våge til Tysneshallen, via Tysnes kyrkje der det var kransenedlegging.

På Gjerstad var det fyrst program inne i Tysneshallen. Både barnehagane og skulane hadde songinnslag, og Tysnes musikklag/Tysnes skulekorps hadde musikalske innslag. Programmet i hallen vart avslutta av Kristi Pedersen, som heldt årets 17. mai-tale.

– Eg trur det var min fyrste tale nokon gong, så eg var veldig nervøs, men eg håpar det gjekk fint likevel, fortel Kristi.


Grunnlov og menneskerettar

Temaet for talen var den norske grunnloven, med særleg fokus på det nye kapittelet om menneskerettar. Ho fekk god applaus av publikum då ho var ferdig, og ho er veldig glad for at ho fekk moglegheita til å halda 17. mai-talen.

– Eg vart veldig glad då eg fekk spørsmålet. Fyrst visste eg ikkje heilt om eg turde å seia ja, men så tenkte eg at det er viktig å trå ut av komfortsona i blant, fortel Kristi, som ikkje angrar på at ho sa ja.

– No er eg veldig glad for at eg gjorde det, seier ho.

Temaet og bodskapen i talen var ikkje tilfeldig vald.

– Eg er jus-student, og sikkert over gjennomsnittleg glad i både grunnloven og menneskerettar, så eg følte at temaet kom ganske naturleg, fortel Kristi.

– Eg synest det er eit utruleg viktig tema fordi grunnloven set rammene for det samfunnet me lever i, seier ho vidare.


Utandørsaktivitetar

Etter programmet i hallen var det tid for dei vanlege utandørsaktivitetane. Her kunne både store og små prøva lykkehjulet, setja personleg rekord på 60-meter, skyta med lutfgevær, kasta hestesko, spikra og mykje meir.

To av dei som prøvde seg med hammar og spikar er tredjeklassingane Sofie Lunde og Elsa Anna Rosa Gustavsson Sjøvold.

– Det var veldig tungt, fortel Sofie.

Dei to jentene beveger seg rundt på skuleplassen, og prøver å koma seg innom alle postane.

– Me har prøvd sekkeløpet to gongar, seier Sofie.

– Og me har vore ein gong på potetløpet, seier Elsa Anna.

Dei kunne godt tenkt seg å vore ein tur innom lykkehjulet også, men er avventande.

– Det er så lang kø, seier Elsa Anna.


Is høyrer med

Men dei to jentene kjem på at dei også har andre ting å sjå fram til på nasjonaldagen.

– Me har glemt å eta is, seier Sofie plutseleg.

Og på sjølvaste 17. mai held det ikkje med berre éin is.

– Eg skal ha fem isar, seier Elsa Anna.

Sjølv om det høyrast mykje ut, er det eit godt stykke bak den «lokale rekorden».

– Rekorden på skulen i Uggdal er 26 isar på ein dag, seier Sofie.









HAMMAR OG SPIKAR: Elsa Anna Rosa Gustavsson Sjøvold (t.v.) og Sofie Lunde ville innom dei fleste aktivitetane, inkludert spikerslåinga.
HAMMAR OG SPIKAR: Elsa Anna Rosa Gustavsson Sjøvold (t.v.) og Sofie Lunde ville innom dei fleste aktivitetane, inkludert spikerslåinga.
KOR: Eit kor med barnehagebarn song mellom anna «Norge i Rødt, Hvitt og Blått».
KOR: Eit kor med barnehagebarn song mellom anna «Norge i Rødt, Hvitt og Blått».
KOR 2: Også skulebarna hadde musikalske innslag i Tysneshallen.
KOR 2: Også skulebarna hadde musikalske innslag i Tysneshallen.
TALE: Kristi Pedersen var nervøs for ho skulle halda 17. mai-tale, men fekk gode tilbakemeldingar etterpå.
TALE: Kristi Pedersen var nervøs for ho skulle halda 17. mai-tale, men fekk gode tilbakemeldingar etterpå.
MÅLFOTO: Mathias Frøyseth Olsen ga alt over målstreken etter å ha løpt 60 meter.
MÅLFOTO: Mathias Frøyseth Olsen ga alt over målstreken etter å ha løpt 60 meter.
BAK DISKEN: Stine Aasheim (t.v.), Irina Titoka og John Antonio Kleppe var blant dei som stod bak disken og selde kaker og brus.
BAK DISKEN: Stine Aasheim (t.v.), Irina Titoka og John Antonio Kleppe var blant dei som stod bak disken og selde kaker og brus.
ERTEPOSAR: Det var mange ulike aktivitetar og leikar på skuleplassen. Julie Høviskeland Sjøbø og Nathaniel Lie hadde fleire rundar med ertepose-kasting.
ERTEPOSAR: Det var mange ulike aktivitetar og leikar på skuleplassen. Julie Høviskeland Sjøbø og Nathaniel Lie hadde fleire rundar med ertepose-kasting.
KASTING: Maria Pichardo Bjordal viste mykje kreftar i armane då ho kasta hestesko.
KASTING: Maria Pichardo Bjordal viste mykje kreftar i armane då ho kasta hestesko.
SEKKELØP: Få hadde høgare fart i sekkeløpet enn desse gutane.
SEKKELØP: Få hadde høgare fart i sekkeløpet enn desse gutane.
JAKTA REKORD: Martha Nødland Austvik og Anna Gaugstad Birkeland ga alt på 60-meteren. Martha kom i mål på tida 10.07, medan Anna sprang inn til 10.35.
JAKTA REKORD: Martha Nødland Austvik og Anna Gaugstad Birkeland ga alt på 60-meteren. Martha kom i mål på tida 10.07, medan Anna sprang inn til 10.35.
MUSIKK: Tysnes musikklag og Tysnes skulekorps var sjølvsagt med å skapte flotte tonar både i folketoget og i Tysneshallen.
MUSIKK: Tysnes musikklag og Tysnes skulekorps var sjølvsagt med å skapte flotte tonar både i folketoget og i Tysneshallen.

Siste saker Gå til framsida

Vellukka galleriopning

Ei rekkje flotte og inspirerande kunstuttrykk pryda Galleri Elisabeth G, då det opna dørene for sesongen.