ÅRETS LÅT: «Sommerkroppen» vart den store norske sommarlåta i 2018, og Mads Hansen kjem til Gjerstad for å framføra låten under Tysnesfest. (Pressefoto)
ÅRETS LÅT: «Sommerkroppen» vart den store norske sommarlåta i 2018, og Mads Hansen kjem til Gjerstad for å framføra låten under Tysnesfest. (Pressefoto)

Årets låt til Gjerstad arena

Tysnesfest lovar ordentleg vorspiel-stemning med dei nyaste artistsleppa.
Publisert 18.05.2019 kl. 19.20. Oppdatert kl. 20.00.

Artistplakaten for kveldskonsertane på Gjerstad under Tysnesfest er nesten komplett, og i kveld, laurdag, vart artistane som skal opna laurdagsprogrammet lansert. Og festivalen sparar ikkje på kruttet når dei skal dra i gang festen på Gjerstad.

Det vert lova god vorspiel-stemning med Stian «Staysman» Thorbjørnsen i hovudrolla. Han og partnar Lasse Jensen, betre kjend som Lazz, kjem tilbake til Tysnes to år etter dei spelte på festivalen sist. Duoen er kjent for låtar som «Brun og Blid», «Kaptein Morgan», «Frøken Möet» og Melodi Grand Prix-låten «En Godt Stekt Pizza».

Staysman tek også med seg gode kameratar til Tysnes, mellom anna den tidlegare fotballspelaren Mads Hansen, som stod for den største sommarhiten i landet i 2018 med låten «Sommerkroppen». Hansen enda opp med å vinna prisen for Årets låt under Spelemannprisen i mars. «Sommerkroppen» er einaste låt han har på repetoaret, og Hansen har uttalt at dette er den einaste låten han kjem til å laga.

Mads Hansen er dermed også den fjerde Spelemannpris-vinnaren som er klar for Tysnesfest i sommar. Samtidig som Hansen fekk prisen for Årets låt, fekk Ina Wroldsen, som også spelar laurdagen, pris som Årets låtskrivar. Naboen Min, som skal spela i Bermudateltet, vann i kategorien for barnemusikk, medan D.D.E, som står på scena torsdag, fekk heidersprisen under prisutdelinga.

I tillegg til Årets låt-vinnaren, tek Staysman også med seg rapduoen Oral Bee og Mr. Pimp Lotion. Hitlåta «Høyt over Oslo», som Oral Bee har med Morgan Sulele, er streama nesten 12 millionar gongar på Spotify.

LES OGSÅ: Inviterer til dødsing i Våge Hamn



POPULÆR DUO: Staysman & Lazz laga fest på Gjerstad i 2017, og inviterer til vorspiel-stemning når dei i år opnar laurdagskvelden. (Pressefoto)
POPULÆR DUO: Staysman & Lazz laga fest på Gjerstad i 2017, og inviterer til vorspiel-stemning når dei i år opnar laurdagskvelden. (Pressefoto)
WEST COAST-STYLE: Oral Bee og Mr. Pimp Lotion vert også med til Tysnesfest. (Foto: Kristoffer Kumar)
WEST COAST-STYLE: Oral Bee og Mr. Pimp Lotion vert også med til Tysnesfest. (Foto: Kristoffer Kumar)

Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...