ARRANGERER KONSERT: André Eide og Arne Leite håper å få tent inn noko av det soknerådet brukte på flygelet.
ARRANGERER KONSERT: André Eide og Arne Leite håper å få tent inn noko av det soknerådet brukte på flygelet.

Arrangerer konsert for å tena inn flygel-pengane

Nyleg gjekk Tysnes sokne-råd til innkjøp av nytt flygel til Tysnes kyrkje. No vil dei tena inn att noko av kjøpesummen.
Publisert 19.05.2019 kl. 06.00.

– Anledninga baud seg, med at me skulle oppgradera det pianoet som var her før, seier Arne Leite, medlem av Tysnes sokneråd.

– Pianostemmaren sa at me måtte gjera noko, legg Leite til.

Leite og fleire andre i soknerådet var då interesserte i å sjå på eit flygel til kyrkja.

– Me tenkte at me tar den investeringa, og investerer i noko som tar seg godt ut både musikalsk, men ikkje minst også visuelt, seier Leite.


Dyrt instrument

Saman med organist André Eide tok Leite turen til byen, for å sjekka ut både potensielle piano og flygel.

Men kva er eigentleg forskjellen på dei to instrumenta?

– Utsjånaden er innlysande, men flygel er òg eit instrument med større klangbotn og volum, seier Eide.

– Det er meir rungande, og fyller eit rom på ein heilt annan måte, fortset han.

– Det kosta ein del pengar, seier Leite.

Nokre hundre tusen kroner blei det, ifølge soknerådsmedlemmen.

– Me var langt nede i lommene til soknerådet for å få råd, legg Leite til.


Inviterer til konsert

– No skal me invitera til konsert, den 16. juni, fortel Leite.

Det blir både for å innvia det nye instrumentet, og for å samla inn pengar, for å dekka inn noko av kjøpesummen.

For anledninga skal dei huka inn fleire lokale talen. I tillegg er det tenkt at det skal vera lett servering under arrangementet.

Det er òg planlagt at dei skal selja tangentar. På same måte som ein kan kjøpa aksjar i eit selskap, vil ein kunna kjøpa tangentane på pianoet. Skilnaden er at ein ikkje vil få utbytte i pengar, men gjennom vakker musikk.

– Det er 88 tangentar på eit flygel. Du har moglegheita til å få namnet ditt på ein tangent, seier organist Eide.

Dei som kjøper ein av dei 88 tangentane, vil få eit formelt «aksjebevis», med ein illustrasjon måla av sokneprest Marit Isaksen Espedalen.

• Les også: Orgelmusikk i Tysnes kommune


Siste saker Gå til framsida

Leiar: Bør prioritera fast tilsette i helsevesenet framfor vikarbyrå

Eit godt tilbod frå helsevesenet i Tysnes er grunnleggjande viktig for alle som har rett på og som mottek helsetenester i kommunen vår. Difor er det positivt at leiinga i kommunen med rådmannen i spissen omgåande tek tak i avvik når det skjer.Avvik skal ikkje skje. Det skjer likevel. Behandlinga som Anne Margrethe...

Debatt: Mobildekning

I dagens samfunn er mobiltelefonen blitt vår hovedforbindelse med omverden. Samfunnet legger opp til at vi skal være tilgjengelig store deler av døgnet, uansett hvor vi befinner oss. Arbeidsgivere stiller de samme kravene. Fasttelefonen utraderes og det blir satset på mobilbruk.Fler og fler kvitter seg med fasttelefonen. Svigermor på 86 år bruker kun mobil. Da får vi tak i henne...