SELT: Ferjeselskapet som driftar Hodnanes-Jektevik får nye utanlandske eigarar. (Arkivfoto)
SELT: Ferjeselskapet som driftar Hodnanes-Jektevik får nye utanlandske eigarar. (Arkivfoto)

Norled selt til utanlandske eigarar

Publisert 21.05.2019 kl. 15.05.

I ei pressemelding måndag melde ferjeselskapet Norled at selskapet får nye eigarar. Det er Det Stavangerske Dampskibsselskap (DSD) som har eigd alle aksjane, og som no sel desse.

Det er det kanadiske selskapet CBRE Caledon Capital Management og det nordiske infrastrukturfondet Capman Infra som tek over eigarskapet i Norled, og som kjøper 50 prosent av aksjane kvar. Kjøpesummen er ikkje offentleggjort.

Norled driftar i dag mellom anna ferjesambandet mellom Hodnanes, Jektevik og Nordhuglo, men frå 2020 er det Fjord1 som tek over dette sambandet.– No treng selskapet å få tilført den naudsynte finansielle løfteevna som skal til for at Norled kan veksa og utvikla seg vidare til neste fase og mot mye mål, seier Ingvald Løyning, styreleiar i Norled, i pressemeldinga.


Siste saker Gå til framsida

– Det var ein slitesiger

Søndag tok Tysnes IL sitt damelag to poeng mot Sandviken, men målskilnaden kunne godt ha vore større. Stillinga blei 24-22.

Reserveferje for MF «Folgefonn»

Det er sett inn reserveferje på sambandet Jektevik-Nordhuglo-Hodnanes. MF «Folgefonn» har no sitt årlege opphald på verkstad. MF «Etne» er sett inn som erstatning. Rutene vil gå som normalt.