PENDLAR: Sigmund Hovland er blant pendlarane som vil bli påverka av rutekutta. (Arkivfoto: Vetle Mikkelsen)
PENDLAR: Sigmund Hovland er blant pendlarane som vil bli påverka av rutekutta. (Arkivfoto: Vetle Mikkelsen)

Vil framleis ha fleire underskrifter

Tidlegare denne månaden blei det starta opp eit opprop mot kutt i ferjerutene. No nærmar det seg 1.400 underskrifter.
Publisert 23.05.2019 kl. 06.00. Oppdatert kl. 09.33.

– Responsen har vore brukbar, for å seia det sånn, men eg hadde jo forventa 2.000 underskrifter, seier Sigmund Hovland, ein av initiativtakarane bak underskriftskampanjen for å stoppa rutekutt på tysnesferjene.

Skyss har varsla potensielle kutt i ferjerutene til og frå Tysnes, for å spara kostnadar. Ifølge Hovland vil kutta gå kraftig ut over pendlarane, ettersom det er varsla kutt både om morgonen, ettermiddagen og kvelden.

I tillegg til eit opprop på nett, på opprop.no, ligg underskriftskampanjen i papirformat på dei ulike butikkane på Tysnes, og på ferjene. Sist Hovland sjekka, var talet på underskrifter rundt 1.390.

– Framleis skulle me gjerne hatt meir respons. Det eg saknar er respons frå skuleelevar og dei som pendlar til skulane, seier Hovland.

Lista skal sannsynlegvis leverast i juni, under eit møte i fylkesutvalet, der ferjerutene står på dagsorden.

– Me må berre halda fram kampanjen, og få mest mogleg tyngde, seier Hovland.


Siste saker Gå til framsida

– Det var ein slitesiger

Søndag tok Tysnes IL sitt damelag to poeng mot Sandviken, men målskilnaden kunne godt ha vore større. Stillinga blei 24-22.

Reserveferje for MF «Folgefonn»

Det er sett inn reserveferje på sambandet Jektevik-Nordhuglo-Hodnanes. MF «Folgefonn» har no sitt årlege opphald på verkstad. MF «Etne» er sett inn som erstatning. Rutene vil gå som normalt.