SJETTEPLASS: Pernilla Epland sprang onsdag 1500-meter i Fana. (Foto: Monica Døssland Epland)
SJETTEPLASS: Pernilla Epland sprang onsdag 1500-meter i Fana. (Foto: Monica Døssland Epland)

To løp på ei veke

Publisert 24.05.2019 kl. 15.06.

Løpssesongen har starta igjen, og Pernilla Eugenie Epland er allereie godt i gang.

Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.

– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.

Dermed blei løpet todelt frå starten, med tre utanlandske løparar i front, og nordmennene bak.

– Det var eit greitt løp. Eg treng nokre konkurransar for å koma inn i det igjen, seier Epland.

Onsdagen i forvegen sprang ho òg eit løp i Fana, under Arne Risa Classic. Då var det 3000 meter det gjekk i. Med tida 9.28.60 vann ho løpet.

– Eg sprang fem sekund raskare enn eg gjorde på same løp i fjor. Eg føler eg er der eg skal vera så tidleg i sesongen, seier Epland.

– Me får håpa at det går fortare og fortare utover sesongen.


Siste saker Gå til framsida

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...