OMRÅDET TEK FORM: Her vil det pågå mykje arbeid i morgon, laurdag. (Foto: Camilla Korsnes)
OMRÅDET TEK FORM: Her vil det pågå mykje arbeid i morgon, laurdag. (Foto: Camilla Korsnes)

Dugnad i Peralio

Publisert 24.05.2019 kl. 11.00.

– Me skal ha dugnad no i helga, både for tufteparken og resten av friluftsområdet ned mot badeplassen som me held på å opparbeida, seier Vegard Aslaksen i båtlaget Njord/Tysnes.

«Tysnes» har tidlegare skrive om arbeidet med å få på plass ein tuftepark og ein badeplass i området. Om dugnaden på laurdag er ein suksess, kjem båtlaget nokre steg nærmare realisering av prosjekta.

Aslaksen håper tufteparken er ferdig til hausten.

– Det viktigaste me skal få gjort no i helga er å forskala. Det skal forskalast 80 meter med mur. Me har fått låna forskalingssystema til Hansen Blogg og Betong, fortel Aslaksen.

I tillegg skal det klippast gras, og ein skal demontera stupebrettet på badeplassen, slik at Bergen og Omland Friluftsråd kan koma og montera nytt.


Siste saker Gå til framsida

– Det var ein slitesiger

Søndag tok Tysnes IL sitt damelag to poeng mot Sandviken, men målskilnaden kunne godt ha vore større. Stillinga blei 24-22.

Reserveferje for MF «Folgefonn»

Det er sett inn reserveferje på sambandet Jektevik-Nordhuglo-Hodnanes. MF «Folgefonn» har no sitt årlege opphald på verkstad. MF «Etne» er sett inn som erstatning. Rutene vil gå som normalt.