TRE POENG: Njardarspelarane vann sin fyrste kamp for sesongen borte mot Halsnøy onsdag. (Arkivfoto)
TRE POENG: Njardarspelarane vann sin fyrste kamp for sesongen borte mot Halsnøy onsdag. (Arkivfoto)

Bortesiger for a-laget

Njardar-herrane avgjorde kampen mot Halsnøy med ti mann på banen.
Publisert 30.05.2019 kl. 16.42. Oppdatert kl. 17.16.

Onsdag kveld spelte Njardar/Tysnes sitt a-lag sin fjerde kamp for sesongen borte mot Halsnøy. Etter dei tre fyrste kampane stod tysnesingane med to tap og ein uavgjort, men sikra sin fyrste siger for sesongen mot Halsnøy.

Det var Njardar som fyrst fekk ballen i mål på Halsnøy idrettsplass, då Lasse Aarland Skulstad scora etter sju minutt av kampen. Halsnøy svarte fort, og reduserte til 1–1 i det 12. minutt.

Dette var berre starten på målfesten, og i det 19. minutt gjekk Njardar på ny opp i leiinga etter mål av Emre Hagen. Heimelaget svarte nok ein gong, og utlikna på nytt tre minutt seinare.

Det stod 2–2 til pause, og i andre omgang var det Halsnøy som fekk det fyrste målet i det 58. minutt. Denne gongen var det Njardar sin tur til å jaga utlikning, og i det 68. minutt fekk Emre Hagen straffe for bortelaget. Aksel Lande sette straffa i mål, og utlikna til 3–3.

I det 79. minutt vart Njardar redusert til ti mann etter eit raudt kort til Lasse Aarland Skulstad. Det var likevel bortelaget som avgjorde kampen med fem minutt igjen av ordinær tid. Aksel Lande scora sitt andre mål for dagen, og sikra tre poeng for Njardar.

Tysnesingane står dermed med fire poeng på fire kampar, og ligg med det på niande og nest siste plass på tabellen, men med færre kampar spelt enn fleire av laga kring Njardar på tabellen.


Kampfakta:

Halsnøy – Njardar/Tysnes, 29.05.19 - 19:00, Halsnøy idrettsplass

Resultat: 3 – 4 (2 – 2)

Målscorarar Njardar: Aksel Lande (2), Lasse Aarland Skulstad, Emre Hagen

Startoppstilling Njardar: Øyvind Bjerkestrand – Øyvind Helvik, Birger Gilje, Lars Even Stue, Roy Skaten – Børge Pedersen, Lasse Aarland Skulstad, Aksel Lande, Ørjan Malkenes – Emre Hagen, Vidar Storesætre

Innbyttarar: Heine Sandvik Henanger, Ole Bakke Rosvold, Raymond Epland


Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...