USLÅELEGE: G14-laget har hatt ein strålande sesong så langt, og onsdag kveld vann dei sin femte kamp på rad då dei slo Bremnes på Reiso. (Foto: Ronny Hagen)
USLÅELEGE: G14-laget har hatt ein strålande sesong så langt, og onsdag kveld vann dei sin femte kamp på rad då dei slo Bremnes på Reiso. (Foto: Ronny Hagen)

G14 med fem strake sigrar

Njardar/Tysnes sitt Gutar 14-lag har fått ein perfekt start på sesongen.
Publisert 31.05.2019 kl. 12.26.

– Det vart ein tett og jamn kamp mellom to gode lag, men gutane synte framifrå vilje gjennom 2x35 minutt, fortel G14-trenar Ronny Hagen.

Onsdag kveld spelte Gutar 14 sin femte kamp for sesongen. Frå før av stod dei med fire sigrar og ein solid målforskjell på 36–6, men onsdag møtte dei tøffare motstand enn tidlegare i sesongen.

På motsett banehalvdel stod nemleg Bremnes, som før matchen låg på toppen av tabellen med 16 poeng på seks kampar, men med to kampar meir spelt enn Njardar. Det vart ein jamn kamp på Reiso, men det var til slutt Njardar-gutane som trekte det lengste strået. Mål av Daniel Hagen og Jonas Hagen-Lunde sikra gutane ein sterk 2–1-siger.

Av elleve lag i avdelinga, er Njardar det einaste som har vunne alle kampane sine. Men dei ligg førebels berre på tredjeplass, sidan dei har færre spelte kampar enn dei andre laga.

Sjølv om laget har fått ein perfekt start på sesongen, melder trenar Hagen at dei framleis har mange tøffe oppgjer framfor seg før sommaren. Mellom anna har dei igjen å spela mot Odda og Rosendal/Uskedal, som begge har plukka mange poeng så langt denne sesongen.

LES OGSÅ: A-laget vann sin fyrste kamp for sesongen


Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...