TAP: Børge Pedersen, og resten av a-laget, gjekk på sitt tredje tap for sesongen mot Rosendal laurdag. (Alle foto: Camilla Korsnes)
TAP: Børge Pedersen, og resten av a-laget, gjekk på sitt tredje tap for sesongen mot Rosendal laurdag. (Alle foto: Camilla Korsnes)

Fekk det tøft mot Rosendal

Etter å ha starta poengefangsten med fire poeng på dei siste to kampane, gjekk a-laget på ein smell mot Rosendal på Reiso.
Publisert 02.06.2019 kl. 14.01.

Laurdag spelte a-laget til Njardar/Tysnes mot Rosendal på Reiso. Rosendal stod på førehand uten siger i sesongen, men hadde spelt fire uavgjort på seks kampar, mellom anna mot serieleiar Trane.

Njardar på si side, kom rett frå sin fyrste siger for sesongen borte mot Halsnøy onsdag, og jakta ein ny trepoengar mot Rosendal. Og det var tysnesingane som fyrst fekk ballen i nettet på Reiso.

Etter ti minutt spelt var det toppscorar Didrik Milde Thorbjørnsen, som for anledninga spelte sentralt på midtbanen, som sende Njardar i leiinga etter ein dødball.

Leiinga varte ikkje lenge, og berre seks minutt seinare scora Rosendal sitt fyrste mål for dagen.

Med 1–1 til pause, var det to lag som begge gjekk ut på banen i andre omgang for å vinna kampen, og det tok ikkje lang tid før det fyrste målet kom. Berre to minutt ut i omgangen gjekk Rosendal opp i leiinga 1–2.

Resten av omgangen var prega av sjansar til begge lag, men det var berre bortelaget som fekk utteljing. I det 60. minutt auka Rosendal leiinga til 1–3, før dei på overtid fastsette sluttresultatet til 1–4.

Njardar vert dermed ståande med fire poeng, og har berre Bergkrystall bak seg på tabellen. I neste kamp skal Njardar-herrane til Os og møta Søre Neset, som førebels har tre sigrar og ein uavgjort på fire kampar.




MÅLSCORAR: Njardarkaptein for dagen, Didrik Milde Thorbjørnsen, sende heimelaget i leiinga etter ti minutt, men det vart også Njardar sitt einaste mål i kampen som enda 1–4 til Rosendal.
MÅLSCORAR: Njardarkaptein for dagen, Didrik Milde Thorbjørnsen, sende heimelaget i leiinga etter ti minutt, men det vart også Njardar sitt einaste mål i kampen som enda 1–4 til Rosendal.
DUELLAR I FELTET: Emre Hagen scora sitt fyrste mål for Njardar mot Halsnøy i førre kamp, men klarte ikkje overlista Rosendal-keeperen laurdag.
DUELLAR I FELTET: Emre Hagen scora sitt fyrste mål for Njardar mot Halsnøy i førre kamp, men klarte ikkje overlista Rosendal-keeperen laurdag.
ERFARING: Superveteran Ronny Hagen kom inn i sluttminutta av kampen, men klarte ikkje å hjelpa Njardar til poeng.
ERFARING: Superveteran Ronny Hagen kom inn i sluttminutta av kampen, men klarte ikkje å hjelpa Njardar til poeng.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...