TVERRKRISTELEG SAMLING: Marit prest vil samla ulike kyrkjelydar på Blåbærhaugen. (Arkivfoto: Camilla Korsnes)
TVERRKRISTELEG SAMLING: Marit prest vil samla ulike kyrkjelydar på Blåbærhaugen. (Arkivfoto: Camilla Korsnes)

Vil samla kristne på tvers av trussamfunna

Første pinsedag ønsker soknepresten å samla mange ulike truande på Blåbærhaugen.
Publisert 04.06.2019 kl. 08.35.

– Dette er noko me ikkje har gjort før, det er noko heilt nytt, seier sokneprest Marit Isaksen Espedalen.

Den niande juni inviterer ho til økumenisk gudsteneste på Blåbærhaugen, det vil seia ei gudsteneste på tvers av ulike kristne trussamfunn.

– Litt av poenget er å ha mange forskjellige grupperingar med, mange organisasjonar og kyrkjesamfunn, legg soknepresten til.

Ho vil òg at dei frammøtte skal få høve til å høyra ulike språk i løpet av gudstenesta.

– Det var akkurat slik det var på den opphavelege pinsedagen. Det var mange tungemål. Alle høyrde sitt språk, seier Espedalen.


Håper på å få med fleire

– Eg håper me får med nokon frå den katolske kyrkja, frå ulike europeiske kyrkjer, nokon frå organisasjonane og forskjellige folk.

Espedalen vil visa at ulike kristne kan stå saman og fortelja om Jesus, sjølv om dei har ulike utgangspunkt.

– Det er meir som bind oss saman, enn som skil oss, seier ho, og legg til at ho håper på fint vêr.

For anledninga har dei fått løyve av Gerhard Alsaker, til at dei som ikkje er like gode til beins kan køyra opp grusvegen.

– Det skal ikkje vera nokon hindringar slik, seier Espedalen.

Onarheim musikklag skal bidra med musikk.


Kyrkjebursdag

Pinsen blir ofte rekna for den offisielle byrjinga på dei kristne kyrkjene. Måndag tiande juni, dagen etter den økumeniske gudstenesta, er det derfor duka for kyrkjebursdagsfeiring.

– Då har me ei gudsteneste på ettermiddagstid, der me inviterer ei gruppe av ungane våre, og har ordentleg bursdagsfest, med overraskingar, i Uggdal kyrkje, seier Espedalen.

Ho understrekar at alle er velkomne til «bursdagsfeiringa».

– Me feirar kyrkja sitt opphav og sin bursdag. Då er det høg festfaktor i kyrkja, seier ho.


Siste saker Gå til framsida

Mykje vatn over stemma

Regntida har visst innteke Tysnes også. Til tider har det nesten «bøtta» ned enkelte stadar dei siste par vekene.Nedbøren har periodevis vore veldig lokal, og ein har kunna opplevd tørr vegbane enkelte stadar og skikkeleg store vasspølar andre stadar i kommunen.Nedbøren viser godt att i dei lokale vassdraga. Ein tur forbi Onarheimsvatnet tysdag var eit godt døme på det. Då rann...

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistorikea Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.