1–7-SKULE: Tenesteutvalet hadde tysdag ingen ting å innvenda på saka om å endra skulestrukturen ved Onarheim skule. (Arkivfoto: Privat)
1–7-SKULE: Tenesteutvalet hadde tysdag ingen ting å innvenda på saka om å endra skulestrukturen ved Onarheim skule. (Arkivfoto: Privat)

Vedtok å få 7. trinn tilbake på Onarheim

Det vart ingen diskusjonar i tenesteutvalet då saka om endring av skulestruktur ved Onarheim skule vart handsama.
Publisert 05.06.2019 kl. 06.01.

«Onarheim skule vil frå skuleåret 2020/2021 vera 1-7 skule med elevar frå 1.-7. trinn», var rådmannen si innstilling i saka om å endra skulestrukturen ved Onarheim skule.

Etter å ha vore ute på høyring, var saka tysdag oppe til handsaming i tenesteutvalet, og innstillinga til rådmannen vart samrøystes vedteke utan nokon diskusjonar.

I vedtaket frå tenesteutvalsmøtet i mars om å senda saka ut på høyring, vart det presisert at «høyringsinstansar vert foreldrearbeidsutval og samarbeidsutval ved Onarheim skule og Onarheim barnehage». Innan fristen var gått ut var det kome uttale frå foreldrearbeidsutvalet (FAU), samt elevrådet ved skulen.

Elevrådet er delt i synet på korti det er best å byta skule, og ynskjer at dei vaksne skal ta valet. FAU vil på si side at det skal vera valfritt for elevane med tanke på korti dei vil byta frå Onarheim skule til Tysnes skule.

Politikarane går inn for å endra strukturen, slik at ein følgjer standard inndelingsprinsipp.

– Me har ein skule som strider med læringsmål med den inndelinga som er no. Me har ikkje lyst til å sitja fast i ei ordning som ikkje følgjer kunnskapsløftet, sa Anne Merete Fjeldstad i Arbeidarpartiet då saka fyrst vart nemnd i samband med rullering av kommuneplanen sin samfunnsdel i fjor haust.

Sjølv om Onarheim skule i utgangspunktet vert ein skule for 1. til 7. trinn, vil det i tråd med praktiseringa av fritt skuleval, framleis vera mogleg for elevar å søkja om ein tidlegare overgang til Tysnes skule.


Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.