GLAD I MATLAGING: Sam van Schaik trivst på kjøkkenet. (Begge foto: Vetle Mikkelsen)
GLAD I MATLAGING: Sam van Schaik trivst på kjøkkenet. (Begge foto: Vetle Mikkelsen)

Sam (15) fekk prøva seg på kjøkkenet

Denne veka har niandeklassingane hatt arbeidsveke. «Tysnes» har snakka med to elevar.
Publisert 07.06.2019 kl. 13.39. Oppdatert kl. 13.43.

– Det har vore gøy og litt slitsamt. Det er annleis enn den vanlege kvardagen, seier ein smilande Sam van Schaik (15).

Det er siste dagen av arbeidsveka, som niandeklassingen har brukt på å jobba på Mandelhuset.

– Kvifor valde du Mandelhuset?

– Eg syntest det verka som ein ganske fin plass frå før av, og eg hadde lyst til å jobba med mat, seier Sam.


Trivst på kjøkket

– Eg har laga eggerøre, hakka opp masse grønnsaker og laga salat, fortel Sam.

– Liker du å laga mat på fritida?

– Ja, eg pleier å gjera det, svarer han.

– Kvifor liker du å laga mat, då?

– Det er litt sånn at jo meir du prøver, og jo meir tolmodig du er, jo betre blir det, seier han.

Han trekker blant anna fram pasta og smårettar, som ting han liker å laga.


Kjekt med besøk

På kjøkkenet finn ein òg Linn Mari Kvamsdal, kjøkkensjefen på Mandelhuset.

– Korleis har det vore å ha Sam her denne veka?

– Det har vore veldig kjekt, svarer Linn.

– Det er alltid kjekt når ungdommen er på besøk, held ho fram.

Ho legg til at ei slik arbeidsveke òg kan vera med på å gjera eleven sikrare på valet av linje på vidaregåande.

– Tenker du å gå gå på matlinja på vidaregåande?

– Kanskje. Eg er ikkje heilt sikker, smiler Sam, som framleis har greitt med tid på å bestemma seg.


Ei veke i barnehage

Også Emma Teigland Iversen (14) hadde arbeidsveke denne veka. Ho har jobba i Vågsmarka barnehage.

– Eg har tenkt veldig mykje på å jobba i barnehage, seier ho.

Heime har ho to småbrør, som tilfeldigvis òg går i Vågsmarka barnehage, og ho har funne ut at ho trivst blant barn.

– Kva har du gjort denne veka?

– Eg har gjort mykje det same som dei andre vaksne her gjer. Eg har passa på dei og leika med dei, fortel Emma.

– Det har vore veldig gøy. Eg har trivest veldig godt, seier ho.

– Tenker du å jobba i barnehage i framtida?

– Eg har tenkt på det, men eg er ikkje heilt sikker, svarer niandeklassingen.


Veldig flink

Styrar i Vågsmarka barnehage, Eldbjørg Knudsen, har berre lovord om Emma.

– Ho har passa veldig godt her. Nokre folk er sånn at dei berre går rett inn, smiler barnehagestyraren.

– Ho er kjempeflink. Me håper ho vel eit yrke i barnehage, legg ho til.


FLINK MED BARN: Emma Teigland Iversen likte seg godt i Vågsmarka barnehage. Frå venstre: Emil E. Frugård, Emma Teigland Iversen, Mikael Høviskeland og Abel Elias M. Kleppe.
FLINK MED BARN: Emma Teigland Iversen likte seg godt i Vågsmarka barnehage. Frå venstre: Emil E. Frugård, Emma Teigland Iversen, Mikael Høviskeland og Abel Elias M. Kleppe.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...