TRUBADURAR: Rolf Martin «Roffe» Haldorsen og Arvid Mørk Mikkelsen bidrog med god stemning på Mandelhuset laurdag.
TRUBADURAR: Rolf Martin «Roffe» Haldorsen og Arvid Mørk Mikkelsen bidrog med god stemning på Mandelhuset laurdag.

Roffe og Arvid speler nesten berre saman på Mandelhuset

Rolf Martin og Arvid er gjengangarar på Mandelhuset. Pinseaften sørgde dei for god stemning i Våge.
Publisert 09.06.2019 kl. 10.00.

– Når eg og Rolf Martin speler saman, speler me berre her, sa Arvid Mørk Mikkelsen til «Tysnes» laurdag kveld.

Saman med musikarkollega Rolf Martin «Roffe» Haldorsen, skulle han spela opp til dans på Mandelhuset på sjølvaste pinseaften.

Dei to bømlingane er involverte i fleire musikkprosjekt, men når dei to speler i lag, speler dei nesten berre på Mandelhuset.

– Førre gong me spelte saman var i fjor, og då var det òg her, fortalde Rolf Martin.

– Kor lenge har de drive på med musikk?

– Eg har drive med musikk i 31 år, og så trefte eg på Rolf Martin for 20 år sidan, sa Arvid.

– Kva forventingar har de til kvelden?

– Her har me hatt det meste. Me har hatt rolege visekveldar, men det var òg ein gong at peisen bevegde på seg, sa Arvid.

Dei to musikarane er med andre ord førebudde på det meste, når dei speler på Tysnes.


Trivst på Tysnes

– Kva synest de om Tysnes, då?

– Nei, det er heilt fantastisk, sa Rolf Martin.

– Me skjemst litt som Bømlingar, då, over at me ikkje har eit like fint hamneområde. Her kan me drikka pils og lukta på sjøen, sa Arvid.

Faktisk trivst dei to musikarane så godt på Mandelhuset, at dei hadde utdrikkingslaget til Arvid der.


Kjekke folk

– Dei er grådig kjekke folk. Dei er gode musikarar og gode gutar, sa Patrick Madsen, dagleg leiar for Mandelhuset, om Roffe og Arvid.

– Me prøver å halda på dei som folk kjenner. Trubadurar er det me alltid har halde på med, og det skal me halda fram med, sa han vidare.

Deretter var det klart for at dei to trubadurane skulle spela seg inn i dei små timar.


Siste saker Gå til framsida

Mykje vatn over stemma

Regntida har visst innteke Tysnes også. Til tider har det nesten «bøtta» ned enkelte stadar dei siste par vekene.Nedbøren har periodevis vore veldig lokal, og ein har kunna opplevd tørr vegbane enkelte stadar og skikkeleg store vasspølar andre stadar i kommunen.Nedbøren viser godt att i dei lokale vassdraga. Ein tur forbi Onarheimsvatnet tysdag var eit godt døme på det. Då rann...

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistorikea Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.