JENTER 10 OG 11: Tysnesjentene koste seg på handballfestival. Frå venstre: Ann Kristin Misje, Isarlin Cristal Nødland, Sunniva Dalland, Hedvig Lunde, Anna Birkeland, Stine Erstad, Yosan Ghirmay og Mariella Thuen. (Alle foto: Svein Olav Langåker)
JENTER 10 OG 11: Tysnesjentene koste seg på handballfestival. Frå venstre: Ann Kristin Misje, Isarlin Cristal Nødland, Sunniva Dalland, Hedvig Lunde, Anna Birkeland, Stine Erstad, Yosan Ghirmay og Mariella Thuen. (Alle foto: Svein Olav Langåker)

Vått og gøy på Handballfestivalen

– Me gløymer regnet når me speler kamp, seier unge tysnesingar på Handballfestivalen på Stord.
Publisert 10.06.2019 kl. 12.44. Oppdatert kl. 12.47.

Over 5000 barn og unge frå heile Vestlandet har vore samla på Handballfestivalen i pinsen. Mellom dei sju lag frå Tysnes.

– Me heiar på kvarandre, me er saman og har det kjekt, og føler på det same når me taper eller vinn saman, fortel Anna Birkeland (11) på jenter-10-laget til Tysnes. Laget vann fem av seks kampar på festivalen.


Snorking og limbo i gymsalen

– Det er første gong me er gamle nok til å sova på Handballfestivalen, fortel femteklassingen Anna Birkeland med stjerner i augo.

– Sove og sove..! Eg har kanskje sove to timar. Det blei litt mykje snorking i gymsalen, seier Stine Erstad (12) og skuldar på ein ikkje namngjeven trenar.

– Det kan umuleg ha vore meg, seier han i ein kommentar.

Anna Birkeland seier ho låg mellom to venninner som begge snorka.

– Det var gøy, sjølv om det var trongt. Ei hamna på golvet i løpet av natta, men sov berre vidare, ler ho.

Tysnesingane fekk Litlabø skule for seg sjølv, og låg i gymsalen og i klasserom. Før det var det disko på Vikahaugane, men det var minst like kjekt på skulen.

– Me hadde limbo i gymsalen, fortel Isarlin Cristal Nødland (10).


Glapp ballen i mål

Handballfestivalen er den våtaste på lenge. Men jentene gløymer det når det er kamp.

– Me sklir litt meir, og blir våte. Eg skåra mål med eit uhell; eg glapp ballen i mål, ler Ann Kristin Misje (10).

Og etter kampen blei det bading i symjehallen til Stord kulturhus.


30 år med festival

I år er det 30 år sidan handballfestivalen blei arrangert for første gong. Kulturminister Trine Skei Grande kom til opninga på Torget på Stord for helsa jubilanten:

– Ein styrke med norsk idrett er at det vesle landet vårt har klart å fostra nokon av dei beste idrettsfolka me har. Det er på grunn av sånne festivalar som dette at det rare, vesle landet vårt klarar å ha to av dei beste handballaga i verda, sa ho.



PARADE: Tysnes IL gjekk saman med over 5000 i den største paraden nokon gong på Handballfestivalen på Stord.
PARADE: Tysnes IL gjekk saman med over 5000 i den største paraden nokon gong på Handballfestivalen på Stord.
SCORA: Mariella Thuen scora for J11-laget til Tysnes mot Os. Tysnes vann kampen 7-1.
SCORA: Mariella Thuen scora for J11-laget til Tysnes mot Os. Tysnes vann kampen 7-1.
I FARTA: Stine Erstad i full fart mot mål, med Rikke D. Hagen til venstre.
I FARTA: Stine Erstad i full fart mot mål, med Rikke D. Hagen til venstre.
FLEIRE MÅL: Yosan Ghirmay kjempa seg til fleire mål mot Os.
FLEIRE MÅL: Yosan Ghirmay kjempa seg til fleire mål mot Os.
SIKTAR NØYE: Emma Nesse kastar seg inn frå vingen.
SIKTAR NØYE: Emma Nesse kastar seg inn frå vingen.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...