KLAR FOR OPNING: Elisabeth Godøy opnar galleriet sitt laurdag denne veka.
KLAR FOR OPNING: Elisabeth Godøy opnar galleriet sitt laurdag denne veka.

Opnar dørene for 21. gong: – Eg må klara meg til 25 òg

Laurdag er det sesongopning for Galleri Elisabeth G. Som vanleg er det både gamle kjenningar og nye kunstnarar som skal stilla ut.
Publisert 12.06.2019 kl. 15.00.

– Eg synest eg har utruleg mange flotte bilete i år òg. Eg har jobba iherdig for å få tak i desse bileta, heilt til siste dagen før eg kom heim til Tysnes, seier Elisabeth Godøy, galleristen bak galleri Elisabeth G.


Nytt og gammalt

Ho kan fortelja at i tillegg til fleire kunstnarar som har vore med tidlegare, har ho skaffa eit knippe nye.

– Eg har for eksempel Yngve Henriksen. Han har eg følgt i mange år, men eg har aldri hatt bilete av han, seier Elisabeth vidare.

Han har sendt ho fleire flotte bilete, som skal stillast ut i galleriet.

– Så har eg med ei heilt pur ung jente, som nett var ferdig med masteren sin på Kunsthøgskolen i Oslo. Ho lagar tresnitt for hand, det er det ikkje så mange som gjer lenger. Ho heiter Suzannah Rehell Øistad, fortel den erfarne galleristen.

Ei som òg er ny av i år, er Karin van Ommern frå Austerrike. Ho er skulptør, og har blant anna vore med på skulptursymposiet på Os.

– Så då har eg ein del nytt, men elles er det «same same but different». For meg er det viktig å ha med meg kjernen, slik at folk veit kva dei får, seier Elisabeth.

Hovudtalaren på galleriopninga i år er Agnes Cecilie Wilhelmsen Gjertsen, som er leiar for helsestasjon for ungdom i Bergen og høgskulelektor ved Høgskulen på Vestlandet.


Siktar seg inn mot 25

Ifølge Elisabeth, som har budd i hovudstaden i ei årrekke, er lidenskapen hennar for kunst eit resultat av fleire faktorar. Kanskje viktigast er at ho jobba nokre år i to kunstforlag, der ho blant anna jobba med kunstnarar som det blei skrive biografiar om. Slik blei ho godt kjent med fleire kunstnarar.

Det enda, som kjent, med at ho starta opp eit sommargalleri heime på Tysnes. Resten er historie.

– 21 år har gått som ein røyk! Eg tenker kvart år at eg må ta eitt år om gongen. No tenker eg at eg må klara meg til 25 òg, seier Elisabeth, som i fjor feira 20-årsjubileum.

– Det har vore utruleg gøy. Eg gler meg like mykje til å koma i gang i dag, som eg gjorde då. Kanskje meir, for på den tida var eg meir usikker, seier Elisabeth.

– Har du til sist ei oppfordring til tysnesingar og tilreisande?

– Eg håper dei vil halda fram med å koma innom. Det er ingen terskel for å gå inn her, svarer Elisabeth.


Siste saker Gå til framsida

Lesarbrev: Hugs valdagen den 9. september

Det er ei dårleg demokratisk innstilling å ikkje stemma ved eit val. Same om du er noko ueinig med dei ulike partia, så er det alltid eit parti det kan vera greitt å gje si stemme til. Me i Tysnes FrP meiner me har eit godt valprogram, som seier noko om det som må bli betre i Tysnes kommune.Tysnes FrP er svært opptatt av at det ikkje må bli reduksjon i talet på ferjeanløp til og frå...

Klar for kommunal praksis

Jon Agnar Leirvik skal det neste halve året bu og arbeida på Tysnes, som ein del av statsvitskapsutdanninga.