NYTT TAP: A-laget til Njardar/Tysnes sin kamp mot nedrykk vart ikkje enklare etter tapet for Søre Neset måndag. Her frå heimetapet mot Rosendal i førre runde. (Arkivfoto: Camilla Korsnes)
NYTT TAP: A-laget til Njardar/Tysnes sin kamp mot nedrykk vart ikkje enklare etter tapet for Søre Neset måndag. Her frå heimetapet mot Rosendal i førre runde. (Arkivfoto: Camilla Korsnes)

Hang lenge med mot Søre Neset

A-laget gjekk på nok eit tap i 6. divisjon.
Publisert 12.06.2019 kl. 12.32.

Det har vore ein tøff vårsesong for seniorlaget til Njardar/Tysnes. Før kampen borte mot Søre Neset måndag, låg tysnesingane sist på tabellen med fire poeng på fem kampar. Motstandarane frå Os kjempa derimot heilt i toppen av avdelinga, og hadde ikkje tapt ein einaste kamp.


Hamna tidleg under

Njardar fekk det som venta tøft frå start på Søre Neset idrettsplass. Allereie etter seks spelte minutt scora vertane det fyrste målet, og gjekk opp i leiinga. I det 18. minutt dobla heimelaget leiinga på eit straffespark, og ti minutt seinare auka Søre Neset til 3–0.

Sjølv om det såg mørkt ut for Njardar, klarte gultrøyene å kjempa seg tilbake i kampen. I det 38. minutt gjekk eit langskot frå Njardar i mål via den rutinerte kantspelaren Børge Pedersen, og to minutt seinare var den unge spissen Emre Hagen frampå og sette inn sitt andre mål for sesongen.

Det stod dermed 3–2 på resultattavla då laga gjekk til pause i sommarvarmen på Halhjem.


Heldt følgje lenge

Den andre omgangen starta som den fyrste med eit tidleg mål til Søre Neset. Njardar klarte nok ein gong å kjempa seg inn igjen i kampen, og etter timen spelt reduserte Didrik Milde Thorbjørnsen til 4–3.

Begge lag jakta mål, men det var berre Søre Neset som fekk utteljing. To raske mål i det 78. og 80. minutt gjorde at heimelaget punkterte kampen ein gong for alle, og sikra seg tre poeng.

Resultatet gjer at Søre Neset legg seg heilt på toppen av tabellen, tre poeng framfor Trane og Laksevåg. Njardar vert liggande på sisteplass, men med same poengsum som Halsnøy.

To poeng framfor Njardar ligg Bergkrystall. Desse laga skal møtast på Reiso laurdag til Njardar sin siste kamp før sommarferien.


Kampfakta:

Søre Neset – Njardar/Tysnes, 10.06.19 - 18:45, Søre Neset idrettsplass

Resultat: 6 – 3 (3 – 2)

Målscorarar Njardar: Børge Pedersen, Didrik Milde Thorbjørnsen, Emre Hagen

Startoppstilling Njardar: Øyvind Bjerkestrand – Øyvind Helvik, Birger Gilje, Ørjan Malkenes, Fahri Akyüz – Børge Pedersen, Lasse Aarland Skulstad, Aksel Lande, Vidar Storesætre – Emre Hagen, Didrik Milde Thorbjørnsen

Innbyttarar: Sjurd Sandvik Pedersen, Knut Jørgen Nesland, Raymond Epland


Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...