USLÅELEGE: Gutar 11, her med Nickolas Flatråker Siglevik, har vunne alle kampane sine denne sesongen.
USLÅELEGE: Gutar 11, her med Nickolas Flatråker Siglevik, har vunne alle kampane sine denne sesongen.

Avslutta våren med storsiger

Gutar 11-laget har hatt ein perfekt sesong, og vann overlegent på Reiso tysdag. Samtidig måtte Jenter 12 sjå seg slått i ein tett og jamn kamp mot Fitjar.
Publisert 12.06.2019 kl. 09.42. Oppdatert kl. 11.34.

Det nærmar seg sommarferie, og dei aldersbestemte laga til Njardar/Tysnes er i ferd med å spela sine siste kampar i vårsesongen. Tysdag var to lag i aksjon på Reiso. G11 fekk besøk av Eikelandsfjorden, medan J12 spelte ein utsett kamp mot Fitjar.

Gutar 11 har hatt ein solid sesong, og har endå ikkje tapt ein kamp. Mot Eikelandsfjorden vart den statistikken halde ved like.

– Dei to fyrste kampane våre mot Os og Søre Neset var jamne og tette, men i dei resterande kampane har me hatt god kontroll, fortel trenar Gunnar Hansen etter kampen.


Vann med ti mål

Det vart eit målrikt oppgjer i sommarsola på Reiso. Njardar-gutane fekk eit tidleg overtak, og leia 7–2 til pause. I andre omgang vart det endå fleire mål til begge lag, og kampen enda til slutt med stillinga 16–6 til heimelaget.

– Det er eit godt resultat, men det som er ordentleg gledeleg er det gode spelet vårt, seier trenar Hansen.

G11-laget har fleire slike sigrar, og har vorte vane til å vinna stort.

– Det gjekk slik det pleier å gå. Det er heilt vanleg at me vinn stort, fortel Hans Jakob Dalland Helland, som var ein av spelarane på vinnarlaget.


Tapte

Medan gutane vann soleklart, vart det jamnare i Jenter 12 sin kamp mot Fitjar. Laga følgde kvarandre tett i fyrste halvdel av kampen, men det var Fitjar som gjekk til pause i leiinga 2–3. Andre omgang opna jamt, og Tysnes-jentene var raskt frampå og utlikna til 3–3 etter eit skot av Ronja Sløgedal.

Dette vart dessverre det siste målet til heimelaget, medan gjestane frå Fitjar ikkje var ferdigscora. Då kampen var ferdig var resultatet 3–6 til bortelaget.

Trass tap, smakte det godt med is etter kampen for jentene. Hos gutane vart det servert bollar og saft for å markera slutten på vårsesongen.




G11-gjengen kunne jubla etter nok ein siger. Bak frå venstre: Henrik Aarvik, Nickolas Flatråker Siglevik, Samson Førdedal Huse og trenar Gunnar Hansen. Midten frå venstre: Hans Jakob Dalland Helland, Lucas Flatråker Tønnessen og Marcus Barmen Laukhamar. Framme frå venstre:  Hans Martin Hansen og Alvin Siglevik Lunde.
G11-gjengen kunne jubla etter nok ein siger. Bak frå venstre: Henrik Aarvik, Nickolas Flatråker Siglevik, Samson Førdedal Huse og trenar Gunnar Hansen. Midten frå venstre: Hans Jakob Dalland Helland, Lucas Flatråker Tønnessen og Marcus Barmen Laukhamar. Framme frå venstre: Hans Martin Hansen og Alvin Siglevik Lunde.
KJEMPA: Rikke Dalen Hagen, og resten av Jenter 12-laget, stod på mot Fitjar, men klarte ikkje å unngå tap.
KJEMPA: Rikke Dalen Hagen, og resten av Jenter 12-laget, stod på mot Fitjar, men klarte ikkje å unngå tap.
IS: Sjølv om dei tapte, var det god trøyst å få is etter kampen for jentene.
IS: Sjølv om dei tapte, var det god trøyst å få is etter kampen for jentene.
I ANGREP: Samson Førdedal Huse speler spiss for G11-laget, og viste mot Eikelandsfjorden at han er ein målfarleg spelar.
I ANGREP: Samson Førdedal Huse speler spiss for G11-laget, og viste mot Eikelandsfjorden at han er ein målfarleg spelar.
TEKNIKK: Hans Martin Hansen viste at han kan dribla av fleire motspelarar om gongen.
TEKNIKK: Hans Martin Hansen viste at han kan dribla av fleire motspelarar om gongen.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...