LAGSIGER: G14-gjengen kunne jubla for sin niande strake siger i år. Bak frå venstre: Trenar Ronny Hagen, Torgeir Skaten Kaldefoss, Theodor Meland, Joakim Christensen, Olliver Fagerbakk, Tobias Dalen Hagen, Daniel Hagen og Brede Kleppe Røssland. Framme frå venstre: Mathias Bakke, Jonas Hagen-Lunde, Samuel Dalland, Jonas Siglevik Lunde, Jørgen Pettersen, og Andrew Jefimovs.
LAGSIGER: G14-gjengen kunne jubla for sin niande strake siger i år. Bak frå venstre: Trenar Ronny Hagen, Torgeir Skaten Kaldefoss, Theodor Meland, Joakim Christensen, Olliver Fagerbakk, Tobias Dalen Hagen, Daniel Hagen og Brede Kleppe Røssland. Framme frå venstre: Mathias Bakke, Jonas Hagen-Lunde, Samuel Dalland, Jonas Siglevik Lunde, Jørgen Pettersen, og Andrew Jefimovs.

Storspel sikra vårsesong-siger

Gutar 14-laget herja på Reiso, og med berre éin kamp igjen før sommaren har dei endå ikkje tapt denne sesongen.
Publisert 14.06.2019 kl. 13.01. Oppdatert kl. 13.14.

– Det følest heilt fantastisk, seier Samuel Dalland.

Han og lagkameratane på Njardar sitt G14-lag har nettopp gått av banen etter å spelt mot Rosendal/Uskedal heime på Reiso torsdag kveld. Heimelaget stod før kampen med åtte strake sigrar i vår, og heller ikkje Rosendal/Uskedal klarte å påføra tysnesingane sitt fyrste tap for sesongen.


Spennande start

Det tok ikkje lang tid før Njardar-gutane levde opp til favorittstempelet sitt. Samuel Dalland fann vegen inn frå høgrekanten, og tuppa eit gjennomspel frå midten forbi Rosendal-keeperen, og sende dermed heimelaget opp i ei tidleg leiing.

Etter den gode Njardar-starten vart det meir jamspelt på kunstgraset, men etter kring halvtimen dobla Njardar leiinga. Ein langpasning vart stussa vidare av Daniel Hagen til Jonas Hagen-Lunde, som sette ballen i mål åleine med keeper.

Få minutt seinare auka heimelaget leiinga på nytt etter at Jonas nok ein gong sette ballen i mål. Denne gongen etter eit skot frå hjørnet av 16-meteren.

– Jonas har vore i flytsona heile sesongen, skrytte trenar Ronny Hagen etter målet.


Stillingskrig

Det stod dermed 3–0 til pause etter ein omgang der begge lag viste mykje god fotball, og også bortelaget kunne fått seg nokre mål.

– Det er i grunnen litt stillingskrig, og så er det me som scorar måla, oppsummerte trenaren i pausen.

Det er også målscorar Samuel samd i etter kampen.

– Det var spennande i starten, konkluderer han.

Sjølv om pauseresultatet var godt, meiner Njardarspelarane at dei kunne prestert endå betre.

– Me rota litt for mykje i forsvar i starten av kampen, seier midtbanekrigar Jørgen Pettersen.


Kontroll i andre omgang

Allereie frå starten av andre omgang tok Njardar over spelet endå meir, og etter kvart byrja måla å renna inn. Fyrst sette Jonas Siglevik inn 4–0, før Mathias Bakke banka inn eit langskot og auka til 5–0.

Midtvegs i omgangen var det tydeleg at heimelaget hadde kontroll på kampen, og dei fortsette å skapa store målsjansar. Fyrst dribla Daniel av eit par forsvarsspelarar og sette ballen forbi keeper, før Mathias utnytta ein perfekt gjennombrotspasning frå Jonas Hagen-Lunde. Med fleire forsvararar i hælane runda han keeper, og sette sikkert inn sitt andre for dagen.

Mathias vart så sett ned på forsvarsplass, men det stoppa han ikkje frå å ta turen opp i angrep, chippa ballen over keeper, og sikra hattrick.


– Fantastisk sesong

Kampen såg ut til å enda 8–0, men eit seint reduseringsmål fastsette sluttresultatet til 8–1 til Njardar. Dei har dermed vunne ni av ni kampar, og toppar tabellen fem poeng framfor Bremnes. Med berre éin kamp igjen før sommaren, har Njardar dermed sikra siger i vårsesongen, sjølv om dei tapar den siste kampen mot Odda.

– Det har vore ein heilt fantastisk sesong. Gutane imponerer meg verkeleg, fortel trenar Ronny.

Den var ein strålande nøgd spelargjeng som stilte opp til lagbilete etter kampen, og Samuel og Jørgen trur dei har løysinga på kvifor laget er så godt som det er.

– Me trener mykje, seier Jørgen.

– Me er flinke til å sentra, er Samuel sitt innspel.

– Også er me flinke til å bevega oss på banen, fortset Jørgen.

På spørsmål om det er noko dei kan verta betre på, sit ikkje svara like laust.

– Eg kjem ikkje på noko, avsluttar Samuel.


HATTRICK-HELT: Mathias Bakke var iskald og runda keeper då han sette inn sitt andre mål midtvegs i andre omgang.
HATTRICK-HELT: Mathias Bakke var iskald og runda keeper då han sette inn sitt andre mål midtvegs i andre omgang.
MIDTBANEMOTOR: Trenar Ronny Hagen skrytte av  innsatsen Jørgen Pettersen legg ned på midtbanen til G14-laget.
MIDTBANEMOTOR: Trenar Ronny Hagen skrytte av innsatsen Jørgen Pettersen legg ned på midtbanen til G14-laget.
SIGER: Theodor Meland og resten av Gutar 14-laget, vann med sju mål mot Rosendal/Uskedal på Reiso torsdag kveld.
SIGER: Theodor Meland og resten av Gutar 14-laget, vann med sju mål mot Rosendal/Uskedal på Reiso torsdag kveld.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...