RASK: Her prøver Aksel Lande (t.v.) seg på eit løp på høgrekanten.
RASK: Her prøver Aksel Lande (t.v.) seg på eit løp på høgrekanten.

Tapte poeng mot Bergkrystall

Njardar/Tysnes sitt a-lag gjekk på nok ein smell då polakkane gjesta Reiso laurdag. Stillinga blei 1-4.
Publisert 16.06.2019 kl. 11.54.

Det var i varmaste laget då gultrøyene skulle prøva å jakta poeng i sin siste kamp før sommaren. Lite hjelpte det at bortelaget bestod av svært motiverte og fysisk sterke spelarar, som vann fleirtalet av duellane.


«Bravo»

Bergkrystall-keeperen varta opp med lange utspark, og om medspelarane hans gjorde ting riktig der framme, var det kort veg til njardarmålet. Gjestene sitt fyrste mål kom etter 18 minutt, på nettopp denne måten.

20 minutt seinare auka dei leiinga til 2-0, og stadig vekk lydde det «bravo, bravo, bravo», på Reiso.

I denne kampen kunne ein også læra litt om korleis ein bannar på polsk, men det treng me ikkje gå nærmare inn på.


3-0

Gjestene var hurtige, fokuserte, og i mykje større grad enn Njardar til stades der ballane landa. Heimelaget vart pressa tilbake på banen, og sleit med å skapa gode sjansar i angrep.

Etter pause, i det 52. speleminuttet, gjekk Bergkrystall opp i 3–0-leiing, og heimelaget sitt håp om siger og poeng smelta vekk i solsteiken.

Njardar var riktig nok meir offensive i andre omgang enn i fyrste, og Bergkrystall-keeperen vart oftare sett i arbeid. Etter 78 spelte minutt scora Lasse Skulstad eit trøystemål for Njardar, før Bergkrystall sette inn det siste målet i kampen få minutt etter.

Stillinga enda dermed 1-4, og det var slitne spelarar som dusja ansiktet med kaldt vatn frå drikkeflaskene etter kampslutt.


Framleis på sisteplass

– Dette var skuffande. Eg hadde trua på at me skulle ta tre poeng i dag, seier trenar Kjartan Hagen, og legg til:

– Det er ingenting som stemmer, me får ikkje spelet til å sitja. Og så føler eg at me møter ein god motstandar, seier han.

Laget har fått ein dårleg start i 6. divisjon, og berre teke fire poeng på sju kampar. Det gjev sisteplass på tabellen, men Hagen mister ikkje motet av den grunn.

– Nei, det finst verre ting, konstaterer han med eit smil.

– Det er ein positiv gjeng som har det kjekt på trening. No er det berre å jobba på vidare, sluttar trenaren optimistisk.

Etter kampen stod avslutningsfest hos Børge Pedersen på programmet.


FLYGANDE KEEPER: Didrik Milde Thorbjørnsen (midten) og dei andre Njardar-spelarane fekk det tøft i angrep mot Bergkrystall.
FLYGANDE KEEPER: Didrik Milde Thorbjørnsen (midten) og dei andre Njardar-spelarane fekk det tøft i angrep mot Bergkrystall.
HEADING: Heine Henanger prøver å ordna opp i ein duell.
HEADING: Heine Henanger prøver å ordna opp i ein duell.
SCORA: Lasse Skulstad sette inn Njardar sitt einaste mål for dagen.
SCORA: Lasse Skulstad sette inn Njardar sitt einaste mål for dagen.

Siste saker Gå til framsida

Lesarbrev: Tommelen opp for SommarTrimTysnes!

I sommer har jeg latt meg inspirere av Sommartrimmen til mange ulike turer på den vakre øyen vår. Ikke visste jeg at vi hadde så mange fantastiske fjelltopper med storslagen utsikt i alle himmelretninger. Det har vært en sann fornøyelse å prøve ut mange av de 35 turforslagene som inngår i Sommartrimmen. Og jeg er mektig imponert over alle de ulike stiene og toppene som har gitt meg...