ISGLADE DOMMARAR: Sunniva Brandvik (7), Elias Alexander Flakke (8) og Elida Sofie Flakke (6) likte dei nye isane best. (Foto: Camilla Korsnes)
ISGLADE DOMMARAR: Sunniva Brandvik (7), Elias Alexander Flakke (8) og Elida Sofie Flakke (6) likte dei nye isane best. (Foto: Camilla Korsnes)

Ingen sommar utan is

Kva is smakar best i sommarvarmen? «Tysnes» har spurt dei som kanskje er mest glade i is – barna.
Publisert 16.06.2019 kl. 15.00.

– Eg har ikkje smakt vassmelon før! utbryt Elias Alexander Flakke (8).

Han, søstera Elida Sofie Flakke (6) og SFO-venninne Sunniva Brandvik (7) har meldt seg frivillig til å testa ut tre ulike typar is.

For anledninga testar dei ut to nye pinne-isar, ein som smaker vassmelon og ein som har bitar av «cookie dough» (småkakedeig, journ.merk). Også ein tradisjonell kroneis med jordbærsmak må til pers.

Alle dei tre skulebarna har smakt kroneisen tidlegare, men ingen av dei har prøvd isnyheitene.

– Eg trur eg begynner på begge to! gliser Elida, og løfter opp dei to uprøvde isane.

– Denne var veldig god! Sjokoladen er best. Det står på plastikken at den er ekstra digg, seier Elias, om den sjokoladetrekte «cookie dough»-isen.

– Vassmelon er best, meiner Elida.

– Eg har det travelt med isane, legg ho smilande til.

Dei er alle einige om at is er ein viktig del av sommaren.

– Om sommaren er det veldig bra å eta is, for då blir ein kald, seier Sunniva.

Isdommarane kjem til slutt til følgande konklusjon: Dei to nye isane var best. Den gode, gamle kroneisen måtte gi tapt for nykomarane.


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.