HØGTIDELEG: Søndag blei Kristin Hjertaker og Marte Birkeland Åsen ordinert til prestar i Birkeland kirke. Bak står biskop Halvor Nordhaug. (Alle foto: Ståle Melhus/Fanaposten)
HØGTIDELEG: Søndag blei Kristin Hjertaker og Marte Birkeland Åsen ordinert til prestar i Birkeland kirke. Bak står biskop Halvor Nordhaug. (Alle foto: Ståle Melhus/Fanaposten)

– No er det gjort

Søndag var ein stor dag for Kristin Hjertaker.
Publisert 19.06.2019 kl. 18.00.

Ein strevsam, men lærerik etappe er over for utflytta tysnesing Kristin Hjertaker. No kan ho endeleg kalla seg prest på ekte.

– Det var stappfull kyrkje, flott musikk og veldig høgtideleg, fortel Kristin om festgudstenesta i Birkeland kirke søndag, der ho og Marte Birkeland Åsen blei ordinert til prestar.

Dette var ein milepæl mange ville få med seg.

– Det var ikkje berre familie og nære vennar som kom, men også tidlegare kollegaer og folk eg ikkje kjenner så godt, seier Kristin, som set enormt stor pris på at så mange ville ta del i markeringa.


Stor applaus

Ekstra stas var det at søstera hadde teke turen frå Oslo for å vera forbedar for henne, saman med prest Kolbjørn Gunnarson og tidlegare lærarkollega Bjørn-Sverre Holme Juliussen. Biskop Halvor Nordhaug stod for vigslinga.

– No er det gjort. No er eg blitt prest, smiler ho.

Eit øyeblikk frå gudstenesta ho hugsar ekstra godt, var då ho og Birkeland Åsen snudde seg til kyrkjelyden etter å ha blitt erklært som rette prestar.

– Folk blei oppfordra til å klappa, og det kom ein hjarteleg, kraftig og lang applaus medan me stod der og «blomstra». Eg følte at folk ikkje berre klappa for å vera høflege, men fordi det verkeleg ville det, skildrar Kristin.


Ein lagsiger

To travle, krevjande år med studium og praksis er no historie, og måndag tek ho offisielt til i jobben som vikarprest i Fjell, før ho i desember byrjar som sokneprest i Arna.

– Det har vore eit spennande studium, men det er godt å sleppa pendlinga til Oslo. No kan eg konsentrera meg om prestejobben og familien, seier ho som tidlegare har vore journalist og lektor.

Etter ordinasjonen har det strøymt på med gratulasjonar til den ferske presten.

– Det er mange som gler seg i lag med meg, og eg føler dette har vore ein lagsiger. Eg visste eg kom til å trenga mykje støtte, og eg har fått meir enn eg kunne drøymt om, sluttar ho takksamt.

• I juleavisa 2018 hadde «Tysnes» ei stor sak om Kristin på trykk. Les den her.


VED ALTERET: Under ordinasjonsgudstenesta forretta Kristin nattverd.
VED ALTERET: Under ordinasjonsgudstenesta forretta Kristin nattverd.
PÅ TRAPPA: Dei to ferske prestane avbilda i lag med biskopen.
PÅ TRAPPA: Dei to ferske prestane avbilda i lag med biskopen.

Siste saker Gå til framsida

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...