FRÅ PREMIEUTDELINGA: NM-meister i pitch & putt, Rasmus Atle Dalen, til venstre. Vidare frå v.:  Per Asgeir Ottesen, Jens Hinderaker, Jens Flornes, Arne Strandenes og Nestor Putian. (Foto: Oddvin Flornes)
FRÅ PREMIEUTDELINGA: NM-meister i pitch & putt, Rasmus Atle Dalen, til venstre. Vidare frå v.: Per Asgeir Ottesen, Jens Hinderaker, Jens Flornes, Arne Strandenes og Nestor Putian. (Foto: Oddvin Flornes)

Rasmus Atle Dalen blei norgesmeister på golfbanen i Dalen

Rasmus Atle Dalen låg best an etter fyrste runde til å ta NM-tittelen i pitch & putt på golfbanen i Dalen søndag. Til slutt stakk han også av med sigeren.
Publisert 19.06.2019 kl. 14.30.

Starten gjekk allereie i 10-tida søndag føremiddag. Etter to-tre timars speling var fyrste runde unnagjort, og det var tid for felles lunsjpause, før dei 19 deltakarane gjekk laus på andre og siste omgang, og meisteren skulle kårast.


Jamnt i teten

Etter fyrste runde hadde Rasmus Atle Dalen 46 poeng, det same hadde Jens Hinderaker frå Stord, medan Jens Flornes var hakk i hel med 47 poeng.

Rasmus Atle Dalen vann til slutt med 97 poeng, same poengsum hadde også nummer to Per Asgeir Ottesen frå Stord. Rasmus Atle Dalen hadde lågare handicap og blei meister. Jens Hinderaker blei nummer tre med 99 poeng, og Jens Flornes nummer fire med 100 poeng.

– I ein særs jamn batalje fullførte Rasmus Atle Dalen begge 18-holsrundane med solid spel, kommenterer medarrangør Oddvin Flornes i Tysnes golfklubb.


Oversiktleg og krevande

Jan Vaage er formann i Tysnes golfklubb, som er arrangør for NM i pitch & putt. Vaage gler seg over god deltaking. Dei aller fleste kjem frå nærområda, frå Tysnes og Stord.

– Nitten på banen samstundes er veldig bra. Då er det spelarar på alle hol, seier han og kikkar nøgd utover banen.

– Det er ein fin og oversiktleg bane i naturfine omgjevander, samstundes som det er ein krevande bane, legg han til.

Det ser enkelt ut når ein går utpå der, men ein må kunna slå både langt og høgt og tett på hola.


Frå Drammen for å delta

Espen Bergmann frå Drammen er den lengstreisande deltakaren til NM på Tysnes. Han er medlem av Drammen golfklubb og spelar pitch & putt for Imjelt Golfsenter. Han skryter av baneområdet.

– Banen ligg flott til i naturen. Det er eit spektakulært anlegg, er karakteristikken hans.

Bergmann er fagsjef i Felleskjøpet og ansvarleg for golf- og fotballbanar. Han reiser rundt i heile landet som rådgjevar og sel frø, gjødsel og sand, og hjelper til på pitch & putt-anlegg.

Turen til Tysnes kombinerte han med kundebesøk i Rogaland og Hordaland. Frå Tysnes gjekk turen vidare til forskingstasjonen til Bioforsk i Grimstad.

– Eg har studert graset på banen i Dalen og vil laga ein rapport etterpå, og koma med råd og tips, informerer han.


Ynskjer fleire yngre spelarar

For klubbleiar Jan Vaage er ikkje konkurransen det viktigaste.

– Det er ein flott bane å spela på. Her har me det kjekt, seier han.

– Men det er sjølvsagt kjekt å vera med i konkurransar også. Viss ein ligg bra an når det nærmar seg slutt, så kan ein bli nervøs her og, seier han, og smiler.

– Då er det viktig å ha det mentale i orden, legg han til, med glimt i auga.

Gjennomsnittsalderen på deltakarane er relativt høg denne dagen. Vaage kunne ynskt seg meir rekruttering og fleire yngre deltakarar.

– Men det er noko fleire idrettar slit med, erkjenner han.

For dei som vil prøva seg, så er det fast speling på golfbanen kvar måndag og onsdag med unnatak av i juli. Fredag i Tysnesfestveka det er golfturnering.


Resultat:

1. Rasmus Atle Dalen 97

2. Per Asgeir Ottesen 97

3. Jens Hinderaker 99

4. Jens Flornes 100

5. Arne Strandenes 103

6. Nestor Putian 104

7. Jan Vaage 105

8. Geir Ove Rydningen 106

9. Helge Liland 106

10. Oddvin Flornes 107

11. Hans Langeland 108

12. Helge Hauge 108

13. Reidar Aarskog 110

14. Trygve Arntsen 111

15. Jan Åge Sande 113

16. Knut Mikal Leithe 114

17. Arne Dalsgård 115

18. Espen Bergmann 116

19. Jarle Hope 122


ETTER FYRSTE RUNDE: Rasmus Atle Dalen (i midten) leia også etter 
fyrste runde, føre Jens Hinderaker (t.h.) og Jens Flornes (t.v.).
ETTER FYRSTE RUNDE: Rasmus Atle Dalen (i midten) leia også etter fyrste runde, føre Jens Hinderaker (t.h.) og Jens Flornes (t.v.).
LENGSTREISANDE: Espen Bergmann frå Drammen var lengstreisande til NM i Dalen søndag. Dei andre deltakarane var frå Tysnes og nærområda.
LENGSTREISANDE: Espen Bergmann frå Drammen var lengstreisande til NM i Dalen søndag. Dei andre deltakarane var frå Tysnes og nærområda.

Siste saker Gå til framsida

Turlaget på Stord vitja Tysnes

Nyleg var Stord - Fitjar Turlag på sin årlege tur til Tysnes. Dei ti medlemene som tok turen denne dagen gjekk opp frå Vadla til Tysnessåto, og deretter til Hovlandsnuten via Etlådnefjellet. Deretter ned til Vasstølen og parkeringsplassen ved Skaret. – Planen var ifylgje programmet å gå enten berre til Såto eller Nuten, men i det fine veret denne dagen, var det ynskje frå gruppa om å ta...

Emma (11) fekk møta dronninga og prinsessa

Heile 7. klasse ved Tysnes skule fekk ein uforgløymeleg dag då Emma Sofie Nesse Torgersen fekk vera med Dronning Sonja og Prinsesse Ingrid Alexandra under snorklippinga av prinsessa sin skulpturpark i Oslo.