SANKTHANSFEIRING: Sankthans vart i Uggdal feira med stort bål og grilling ved Kyrkjevatnet.
SANKTHANSFEIRING: Sankthans vart i Uggdal feira med stort bål og grilling ved Kyrkjevatnet.

Feira sankthans i flott sommarvêr

Sommarkjensla var til å ta og føla på under årets sankthansfeiring.
Publisert 23.06.2019 kl. 20.19. Oppdatert kl. 20.23.

I Uggdal hadde Uggdal bygdalag stelt i stand felles sankthansfeiring ved Kyrkjevatnet.

– Det er tredje gongen me har det her, men det er fyrste året med nydeleg vêr, smiler kasserar for bygdelaget, Line Sørhus.

Store og små tok turen for å kosa seg med grilling, aktivitetar og selskapleg samvær, og ikkje minst for å sjå eit forrykande stort sankthansbål.

– Det er fint å ha feiringa her, for det er noko eige med det å ha bål, seier Sørhus. Før dei flytta feiringa til bakken ved Kyrkjevatnet for tre år sidan, feira dei nemleg sankthans i Kjevikjo – og der er det bålforbod.

– Så då hadde me berre grilling på sankthans.

Bålet som søndag kveld brenn ved Kyrkjevatnet, har vakse fram over lengre tid.

– Me har samla inn litt og litt, og så var me og henta resten av materialet til bålet i dag, fortel Sørhus.

Utanom bålet og grillinga, hadde bygdelaget planlagd aktivitetar for både små og store.

– Me har fotballbowling og sekkeløp, opplyser Sørhus.

– Er det berre for borna?

– Me hadde tenkt å ha tautrekking for dei vaksne, men me fann ikkje tau, ler ho, og held fram:

– Men dei vaksne vart no med på sekkeløp i fjor, så dei ordnar seg.

  • Har du bilete frå sankthansfeiringa der du er? Send dei gjerne til oss: redaksjonen@tysnesbladet.no.

Randi Kleppe

redaksjonen@tysnesbladet.no





SOMMARSTEMNING: Mange nytta høvet til å vera med på feiringa i sola.
SOMMARSTEMNING: Mange nytta høvet til å vera med på feiringa i sola.
MORO FOR DEI MINSTE: Fleire av borna leikte seg ved kanten av vatnet.
MORO FOR DEI MINSTE: Fleire av borna leikte seg ved kanten av vatnet.
SEKKELØP: F.v. Olav Hillesvik Sorknes, Emilie Høviskeland og Truls Hillesvik Sorknes gjev alt i sekkeløpet.
SEKKELØP: F.v. Olav Hillesvik Sorknes, Emilie Høviskeland og Truls Hillesvik Sorknes gjev alt i sekkeløpet.
PÅ EVENTYR: Dei litt større borna hadde mykje moro i det høge graset like ved grillplassen.
PÅ EVENTYR: Dei litt større borna hadde mykje moro i det høge graset like ved grillplassen.

Siste saker Gå til framsida

Ynskjer ekstra omsorgsbemanning

Budsjettforhandlingane er godt i gang, og i formannskapet måndag tok Arne Leite (Sp) og Anne Merete Fjeldstad (Ap) til orde for å sjå på høva for å få fleire stillingar inn i omsorgstenestene.