DEI YNGSTE: Mange lokale born er hyra inn for å vera med i spelet. Nede f.v.: Rasmus Hustad, Anna Oleah Fjeldet Sunde, Alma Vermedal, Hedvig Lunde Klemmetsby, Hanne Sofie Kongsvik Brandvik, Selma Nikolaisen og Vilde Amalie Aasen. Bak f.v.: Camilla Matre Rosseland, Hilda Stien, Stine Erstad og Tuva Sundal.(Foto: Camilla Korsnes)
DEI YNGSTE: Mange lokale born er hyra inn for å vera med i spelet. Nede f.v.: Rasmus Hustad, Anna Oleah Fjeldet Sunde, Alma Vermedal, Hedvig Lunde Klemmetsby, Hanne Sofie Kongsvik Brandvik, Selma Nikolaisen og Vilde Amalie Aasen. Bak f.v.: Camilla Matre Rosseland, Hilda Stien, Stine Erstad og Tuva Sundal.(Foto: Camilla Korsnes)

Leiar: Flott reklame for Tysnes

Publisert 23.06.2019 kl. 06.00.

Øvingane pågår for fullt til det nye Spelet om Olavsgildet. Laurdag sist veke var den fyrste generalprøven, søndag var det to nye prøvar. Denne veka har det vore øvingar kvar dag. Øvingar kvar einaste dag blir det også vidare framover – til den store elddåpen om vel ei veke.

På den store dagen, på Johannes Heggland sin 100-årsdag, skal Spelet om Olavsgildet framførast offisielt for fyrste gong. Ikkje berre ein gong, men to gonger denne laurdags ettermiddagen. For dei aller mest forvitne, er det høve til å kjøpa billettar til den offisielle generalprøven med publikum, kvelden før.

Dette vil bli ei verkeleg storhending i kulturlivet på Tysnes, og ein merkedag i Tysnessoga. Det er å vona at interessa for spelet og for framsyningane blir stor, så stor at det blir trangt om plassane i Onarheimskyrkja denne helga, og at dei som har lagt ned alt arbeidet i dette prosjektet får honnør for det med stort publikumsinteresse.

Me trur at eit spel som dette kan vera med å setja Tysnes på kartet på ny, og det i ein kulturhistorisk samanheng som ikkje er gjort tidlegare. Ei blomstrande interesse for prosjektet no i starten, kan danna grunnlag for fleire framføringar seinare. Det er å håpa at folk kjenner si besøkelsestid. Og så håpar me at dei som har vore involverte, vil vera med å bidra til ei vidareføring av prosjektet.

Utan Johannes Heggland hadde det ikkje blitt noko spel. Me skal vera glade for at han skreiv Sogespelet om Olavsgildet. Med dette spelet som bakgrunn har Johanne Øvstebø Tvedten ved Sunnhordland museum laga sin eigen versjon; eit musikkspel. Det er Johanne Øvstebø Tvedten si ære at me har fått dette musikkspelet, som me skal vera stolte over.

Mange eldsjeler har allereie lagt ned mykje tid til førebuing og øvingar, til det som blir ei storhending i kulturkyrkja på Onarheim.

Me ynskjer lukke til med prosjektet – og håpar at dette blir starten på ein ny tradisjon i Tysnes: Sogespel i kulturkyrkja.

redaksjonen@tysnesbladet.no


Siste saker Gå til framsida

Leiar: Lokalsamfunn med eit godt hjelpeapparat

Natt til laurdag tok det til å brenna i eit bustadhus i Uggdal. Den unge familien kom seg til all lukke ut av det brennande huset utan fysiske skadar. I «Tysnes» denne veka kan me lesa at brannvesenet var på brannstaden eit kvarter etter at mor i huset fekk varsla om brannen klokka 03.23. Det gler...