NØGDE PASSASJERAR: Trine Fossdal (til venstre) skyssa folk frå Haaheim Gaard til Ole Vaage-huset. Til høgre i vogna er Geir Røberg. (Begge foto: Vetle Mikkelsen)
NØGDE PASSASJERAR: Trine Fossdal (til venstre) skyssa folk frå Haaheim Gaard til Ole Vaage-huset. Til høgre i vogna er Geir Røberg. (Begge foto: Vetle Mikkelsen)

Storfin hesteskyss for Haaheim-gjester

Fredag gav Tore Lunde og Tysnes hesteskyss eit knippe bergensarar ei uforgløymeleg omvising i Uggdal.
Publisert 25.06.2019 kl. 12.28. Oppdatert kl. 12.41.

– Det er folk frå eit firma i Bergen, som blir køyrt frå Haaheim Gaard til Ole Vaage sin gamle butikk, sa Tore Lunde til «Tysnes» fredag.

Han driv Tysnes hesteskyss, eit føretak som tilbyr, slik namnet antyder, skyss med hest og kjerre.

– Eg har halde på med dette i ti år. Dette er det første oppdraget mitt for Haaheim, fortalde Lunde.

Sjølv om føretaket har Tysnes i namnet, kunne Lunde avsløra at dei fleste oppdraga hans finn stad utanfor kommunen sine grenser; blant anna var nyleg han og hestane på Stord.

– Men eg skal køyra i eit bryllaup i sommar, på Tysnes, sa Lunde.


Første gong

Det var ikkje berre Tore som skyssa folk på fredag. Også Trine Fossdal og frieserhesten hennar, Bamse, var sjåførar for dagen.

– Eg er på mitt første køyreoppdrag med hesten min. Eg har vore så heldig å få låna vogn av Tore Lunde, smilte ho.

Fossdal har drive med hest i ei årrekke, og eig for augeblikket tre hestar.

– Draumen er å få dei i tospann, sa ho.

For anledninga var ho likevel nøgd med å ha Bamse åleine framfor kjerra.

– Han er ein triveleg hest. Eg er glad eg får vist han fram, fortalde Fossdal.


Jobbsamling

– Me er på ei samling med jobben, sa Geir Røberg, ein av bergensarane som blei skyssa rundt i uggdalsområdet fredag.

– No har me hatt ein liten sightseeing i Ole Vaage-huset, la han til.

Han skrytte av Haaheim Gaard, som ifølge han hadde ivaretatt gjestene godt den dagen, og han hadde òg gode ord om Tysnes å koma med:

– Det er heilt fantastisk fint her!


Siste saker Gå til framsida

Fotominne frå Langeland

Staden er Langeland og året 1970. Hesten og den gamle slåmaskinen heldt på denne tida framleis stand i jordbruket, fortel Harry Solberg, som har sendt oss dette kjekke bildet. Det er Jens Langeland som held i taumane, og borna på høykjerra er syskena Solberg frå Odda. Har du eit bilete frå farne tider som fortener å koma på trykk? Send det til redaksjonen@tysnesbladet.no, og hugs...