OPERA: Her framfører Øyvind Kleppe, Filip Eshetu Steinland og Kristoffer Nordal «La mia Dorabella». (Foto: Privat)
OPERA: Her framfører Øyvind Kleppe, Filip Eshetu Steinland og Kristoffer Nordal «La mia Dorabella». (Foto: Privat)

Fekk fordjupa seg i vakker song

Førre veke var det masterclass i Bel Canto ved Toneheim folkehøgskule. Der var blant anna Øyvind Kleppe og Kristoffer Nordal.
Publisert 28.06.2019 kl. 10.00.

– Det var veldig lærerikt! seier Øyvind Kleppe.

Saman med tysnesing Kristoffer Nordal var han sist veke på masterclass, eller eit fordjupningskurs, i Bel Canto, på Toneheim folkehøgskole ved Hamar. Kurset varte frå 18. til 23. juni.

Bel Canto er italiensk. Direkte oversatt betyr det «vakker song», men ut over den direkte betydninga refererer namnet til songteknikkar som først oppstod i Italia på 1500-talet, det folk flest tenker på som «operasong».

Kurset blei avslutta med ein konsert på Gamle Raadhus Scene i Oslo, der Øyvind Kleppe og Kristoffer Nordal blant anna framførte «La mia Dorabella», frå Mozart-operaen «Cosi fan Tutte».

– Å synga opera er eigentleg ganske nytt for meg. Det har vore veldig mykje arbeid med det, veldig mykje teknikkbygging, seier Kleppe, som blant anna er kjent som vokalisten i bandet Symra.

Det siste året har han gått på Toneheim folkehøgskole; det er på skulen han verkeleg har fått smaken for klassisk song.

Til hausten skal Kleppe fordjupa seg vidare i det han har halde på med på folkehøgskulen, han skal nemleg begynna på bachelor i utøvande klassisk musikk ved Universitetet i Stavanger.

Kleppe takkar blant anna songlæraren på folkehøgskulen, Matthew Marriott, for å ha peila han inn på den retninga.

– Eg har jo halde på med musikk heile tida, og speler framleis i band. No når eg har gått på Toneheim har eg fått ein veldig dyktig lærar i Matthew. Han opna augo mine for det (klassisk musikk, journ.merk), seier Kleppe.

– Målet er å bli god i det, så får ein sjå om det blir noko karriere av det, legg han til.


Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...