FLINKE: Dei mange barna i stykket fekk mykje skryt etter framsyninga.
FLINKE: Dei mange barna i stykket fekk mykje skryt etter framsyninga.

– Dei gjorde ei god framføring

– Dette var kjempebra. Veldig kjekt å få det med seg, sa Martin Rio etter laurdagens premiere på spelet om Olavsgildet.
Publisert 29.06.2019 kl. 22.02. Oppdatert kl. 22.20.

Lovorda hagla etter framføringa av skodespelet, for det som var ei fullsett Onarheim kulturkyrkje.


Reiste frå Etne

– Eg synest det var heilt fantastisk, kommenterte Margunn Kjellesvik Sandvik etter den første av to framsyningar av spelet.

– Flott framført. Eg synest dei gjorde ei god framføring, understrekar mannen hennar, Stein Gunnar Sandvik.

Dei to har teke turen til Tysnes frå Etne for å vera med på markeringa av Johannes Heggland-jubileumet.

– Har de noko tilknyting til han?

– Ja, han var onkelen min, svarar Margunn.

Dei var óg med på avdukinga av statuen tidlegare i dag, fortel dei.

– Det var ei fantastisk oppleving. Kjekt å ha fått det med seg, smiler Margunn.


Flinke skodespelarar

Viss nokon av dei mange som var med på framføringa av spelet var nervøse, viste dei det ikkje. I halvannan time leverte dei god underhaldning og vakker song.

– Dei siste tre gjennomkøyringane me har hatt har vore veldig greie. Det er imponerande at så mange er så flinke samtidig. Eg er spesielt imponert over ungane, seier dirigent Yngve Nikolaisen.

Etter konserten kjem skodespelarane ut og minglar med publikum framføre kyrkja. Der står mellom anna Martin Rio med dottera Sofie Totlandsdal Rio og ventar på ein av skodespelarane.

– Me har teke turen frå Uggdal for å sjå på storesøstera som var med (Malin Dalland, journ.mrk). Eg synest det var kjempebra. Veldig kjekt å få med seg, seier Martin med eit smil.


Ingen barn opphavleg

Ho som har skrive om det originale sogespelet som Johannes Heggland gav til Tysnes kommune, Johanne Øvstebø Tvedten, var sjølv med i stykket.

– Eg synest det gjekk veldig bra. Det var ikkje noko dødtid, og folk hadde den gløden me ville ha. Eg sat bak preikestolen og koste meg, og gløymde heilt at eg var med på dette, humrar ho.

Ho fortel at det stykket som i dag vart framført på Oanrheim, er eit stort sprang frå den originale teksten.

– Der var det ingen barn med, og mest vaksne menn som stod og snakka. Eg har skrive det om for å gjera det til ei familieframsyning med song og musikk, forklarar ho.


Berre ein kritikk

Framsyninga vart avslutta med ståande applaus. På veg ut av kyrkja etterpå, snakka fleire seg imellom om spelet.

Ingebjørg Sævartveit fortel til avisa at ho synest sogespelet var flott.

– Eg er heilt imponert. Det er jo amatør-skodespelarar, så det er veldig imponerande, seier ho.

Ho har berre ein kritikk:

– Eg sakna berre ei rolleliste. For eg skulle likt å vita kven alle var, avsluttar ho.




VAKKERT: Koret song fleire vakre songar, og var verkeleg med på å laga ei fin ramme rundt spelet.
VAKKERT: Koret song fleire vakre songar, og var verkeleg med på å laga ei fin ramme rundt spelet.
MANGE: Oppsetjinga av skodespelet har fått mange flinke skodespelarar fram i lyset.
MANGE: Oppsetjinga av skodespelet har fått mange flinke skodespelarar fram i lyset.
USEMJE: Krangelen mellom Halsnøy Kloster og Onarheim kyrkje var sentral i spelet.
USEMJE: Krangelen mellom Halsnøy Kloster og Onarheim kyrkje var sentral i spelet.
GEISTLEG: Biskopen, spela av Steinar Dalland, måtte avgjera konflikten mellom Halsnøy Kloster og Onarheim kyrkje.
GEISTLEG: Biskopen, spela av Steinar Dalland, måtte avgjera konflikten mellom Halsnøy Kloster og Onarheim kyrkje.
KJÆRLEIK: Eit anna viktig element i spelet var kjærleiken mellom rikmannsdottera Sigyn, spela av Marte Stien...
KJÆRLEIK: Eit anna viktig element i spelet var kjærleiken mellom rikmannsdottera Sigyn, spela av Marte Stien...
...og  leiglendingen Greip frå Laukhamar, spela av Øyvind Skartveit.
...og leiglendingen Greip frå Laukhamar, spela av Øyvind Skartveit.
STØRST AV ALT: ­– Er kjærleiken, kunne Kåre Martin Kleppe konstatera, som ein munk som har falle for Sigyn.
STØRST AV ALT: ­– Er kjærleiken, kunne Kåre Martin Kleppe konstatera, som ein munk som har falle for Sigyn.

Siste saker Gå til framsida

Lesarbrev: Ja til norsk natur og ja til klimatiltak

Verden står i dag overfor to hovedutfordringer: klimautfordringen og tap av natur. For Norges Jeger- og Fiskerforbund Hordaland er det viktig at vi tar begge utfordringene på alvor. Vi må ta vare på naturen samtidig som vi støtter opp om tiltak for å håndtere klimautfordringene. Vår natur er leveområdet for planter, dyr og fisk. Den er også arena for friluftsliv til glede for folk...

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...