LYNNEDSLAG: Lynet slo ut både router, printer og sikringar i hytta til Cecilie Lycke og Mike Edwards i Uggdal søndag føremiddag. (privat foto)
LYNNEDSLAG: Lynet slo ut både router, printer og sikringar i hytta til Cecilie Lycke og Mike Edwards i Uggdal søndag føremiddag. (privat foto)

Lynnedslag i hytte i Uggdal

Det blei ein dramatisk start på bryllupsdagen for Cecilie Lycke og Mike Edwards på hytta i Vikane i Uggdal.
Publisert 01.07.2019 kl. 15.27.

Søndag føremiddag slo lynet ned i hytta, men til all lukke gjorde sikringane jobben sin, og slo ut straumen. Verre var det med inntaket til internett, som blei øydelagt. No har internettleverandøren lova å koma til Tysnes for å setja opp ny router.

Cecilie og Mike skulle feira toårs bryllupsdag denne søndagen. Men i staden for bryllupsdags-smell, blei det lynnedslag og torebrak som small i huset.

– Det gjekk heldigvis bra med oss. Mike var akkurat komen ut av rommet for å trekkja ut internett før lynet slo ned. Då blei det ein kjempelysglimt og smell frå rommet, fortel Cecilie.

Så kraftig var smellen at det flytta på printeren.

Røykutvikling frå rommet blei det og, så mykje at dei måtte henta brannsløkkingsapparatet. Men heldigvis slapp dei bruka det.

Dei har allereie vore i kontakt med elektrikar for å ordna opp i skadane. Platetoppen på komfyren blei også øydelagt.

– Det var slett ikkje ei hyggeleg oppleving, men heldigvis blei det ikkje skade på personar.

I tillegg til skadane må det elektriske anlegget og på routeren, må dei måla heile rommet opp att.

Cecilie og Mike kom til Tysnes på fredag. Denne veka startar ferien, ikkje heilt slik dei hadde planlagt.



KRAFTIG TOREVER: Lynnedslag og kraftig torever over Vikane i Uggdal, der hytta ligg. (privat foto)
KRAFTIG TOREVER: Lynnedslag og kraftig torever over Vikane i Uggdal, der hytta ligg. (privat foto)
BRYLLUPSDAG: Cecilie og Mike hadde toårs bryllupsdag på søndag. Feiringa blei ikkje heilt som planlagt. (privat foto)
BRYLLUPSDAG: Cecilie og Mike hadde toårs bryllupsdag på søndag. Feiringa blei ikkje heilt som planlagt. (privat foto)

Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...

Lesarbrev: God søndagstur

På søndag skal Norge nok ein gong gjennomføra verdas største dugnad. 100.000 bøsseberarar går på tur i heile Norge, og samlar inn pengar til velgjerande organisasjonar. Kvart år blir det lagt ned ein stor innsats på Tysnes, og det er kjekt å sjå at gjevargleda til oss tysnesingar er stor kvart einaste år. Skular, lag og organisasjonar, kyrkja, privatpersonar og bedrifter har bidrege for å få...