MOTIVERTE: Tysnes Arbeidarparti var fornøgde med møtet med fylkespolitikaren. Frå venstre: Patrick Madsen, Arve Helle, Anne Merete Fjeldstad, Beyene Mebrahtu og Svein Ove Agdestein. (Foto: Privat)
MOTIVERTE: Tysnes Arbeidarparti var fornøgde med møtet med fylkespolitikaren. Frå venstre: Patrick Madsen, Arve Helle, Anne Merete Fjeldstad, Beyene Mebrahtu og Svein Ove Agdestein. (Foto: Privat)

– Han skal få vår stemme

Publisert 03.07.2019 kl. 16.01.

– Me har hatt eit halvannan time langt møte med Arve Helle, sa Anne Merete Fjeldstad til «Tysnes».

Helle er andrekandidaten til Vestland Arbeidarparti ved lokalvalet i år, og er for tida i ferd med å besøka alle Vestland-kommunane han ikkje har vore i tidlegare. Tysdag var han på Tysnes.

– Me snakka veldig mykje om ferjer, og kor viktig det er å halda på tilbodet me har i dag. Han var spesielt opptatt av kva arbeidsplassar me har i kommunen, sa Fjeldstad.

Arve Helle har vore ordførar i Fjaler i tre periodar, og ifølge Fjeldstad kjenner han godt til korleis det er i små kommunar.

– Slike besøk gir oss inspirasjon i valkampen, sa Fjeldstad.

– Skal me stikka av med ordførarvervet må me stå på! skaut Rolf Simonsen inn.

Dei frammøtte hadde òg eit positivt inntrykk av Helle.

– Han skal få vår stemme! sa Fjeldstad smilande.


Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...