Torevêret øydela transformator på Beltestad

Publisert 03.07.2019 kl. 15.22. Oppdatert kl. 15.25.

Lyn og torevêr var grunnen til at BKK fekk havari på ein transformator på Beltestad søndag føremiddag.

Utover dette var det ikkje dei store skadane på straumnettet, fortel Lars Enes i BKK på Tysnes.

Men torevêret førte til straumbrot på dei fleste av BKK sine liner på Tysnes.

– Me hadde straumutfall både i Tysnesbygdo, Lunde og Uggdal, frå om lag klokka ti søndag føremiddag og i eit kvarters tid, seier Enes.

Abonnentane på Reksteren og på Flakkavågslina til Huglo var dei einaste som ikkje hadde straumutfall.

Enes er kjend med at det har vore lynnedslag i fleire teleliner på Tysnes. Det har ført til at folk som har internett via koparliner har mista internett.

Dei som har internett via fiber som Tysnes kraftlag i si tid bygde ut, blei ikkje råka.

– Lyn følgjer ikkje optisk fiber, seier Enes.

• Les også: Lynnedslag i hytte i Uggdal


Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.