SKAMBEINA: Alle lagmedlemmene blei mødrer i fjor. Frå øvst til venstre: Malin Kongsvik, Camilla Søreide Helland, Elin Bergesen, Sandra V. Lunde, Isabell R. Vik, Jenny Kjellevold, Charleen Flatråker, Mailinn H. Hagen, Renathe Hagen Lunde, Marianne Tvedt. Barna er vesle Elida og Joakim. (Alle foto: Vetle Mikkelsen)
SKAMBEINA: Alle lagmedlemmene blei mødrer i fjor. Frå øvst til venstre: Malin Kongsvik, Camilla Søreide Helland, Elin Bergesen, Sandra V. Lunde, Isabell R. Vik, Jenny Kjellevold, Charleen Flatråker, Mailinn H. Hagen, Renathe Hagen Lunde, Marianne Tvedt. Barna er vesle Elida og Joakim. (Alle foto: Vetle Mikkelsen)

Barselgruppa som blei fotball-lag

Fredag blei Tysnes Sparebank Cup sparka i gang. Først ute var to lag i klassen sårbeinte damer.
Publisert 05.07.2019 kl. 19.52. Oppdatert kl. 21.51.

Det var duka for kvinnekamp, eller snarare kamp mellom kvinner, då dag ein av Tysnes Sparebank Cup gjekk av stabelen i dag fredag.

Klovner i Kamp og Skambeina, begge i klassen sårbeinte damer, møttest for eit ellevilt oppgjer, der Klovner i Kamp stakk av med ein overlegen 8–0-siger.

Taparlaget Skambeina var likevel ved godt mot etter kampen, men følte trong for å forklara det spenstige namnet på laget.

– Me var litt usikre på kva me skulle heita, sa Marianne Tvedt.

Ho og dei andre lagmedlemmene har vore i barselsgruppe saman; samtlege av dei blei mødrer i fjor.

– Me har det til felles at me alle har vore gravide. Då handlar mykje om skambeinet, la Tvedt til.

Skambeinet er eit eldre namn på underlivsbeinet, den fremste av hoftebeinet sine samanvaksne knoklar.

Tvedt fortalde vidare at mange av medlemmene var uerfarne når det kom til fotball. Dermed har namnet ei dobbeltyding.

Gjennom å velja eit lagnamn som er tett knytt til underlivet, håper Tvedt og dei andre lagmedlemmene òg på å spreia medvit rundt livmorhalskreft.

– Me oppfordrar alle til å sjekka seg. Emneknagg #sjekkdeg! sa Tvedt til «Tysnes».

Etter at Klovner i Kamp og Skambeina leverte ein knakande god start på cupen, venta ein duell mellom laga Go’ nok og Beerfest Fc, begge i klassen lettbeinte menn.






KAMP OM BALLEN: Fredag møttest Klovner i Kamp og Skambeina. Skambeina-spelarane er dei i kvite skjorter.
KAMP OM BALLEN: Fredag møttest Klovner i Kamp og Skambeina. Skambeina-spelarane er dei i kvite skjorter.
I SKOTET: Mailinn H. Hagen skaut hardt.
I SKOTET: Mailinn H. Hagen skaut hardt.
FOKUSERTE: Merksemda var retta mot ballen.
FOKUSERTE: Merksemda var retta mot ballen.
HØGTFLYGANDE: Nokre spelarar hoppar høgare enn andre.
HØGTFLYGANDE: Nokre spelarar hoppar høgare enn andre.
MOT MÅL: Ein medlem av Beerfest Fc førebur seg på ei potensiell scoring.
MOT MÅL: Ein medlem av Beerfest Fc førebur seg på ei potensiell scoring.

Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...

Lesarbrev: God søndagstur

På søndag skal Norge nok ein gong gjennomføra verdas største dugnad. 100.000 bøsseberarar går på tur i heile Norge, og samlar inn pengar til velgjerande organisasjonar. Kvart år blir det lagt ned ein stor innsats på Tysnes, og det er kjekt å sjå at gjevargleda til oss tysnesingar er stor kvart einaste år. Skular, lag og organisasjonar, kyrkja, privatpersonar og bedrifter har bidrege for å få...