STOLT PAPPA: Roger Hustad fekkk ei spesiell gåve av sonen Rasmus. Her er dei begge stasa opp til Olavsgildet. (Foto: Randi Kleppe)
STOLT PAPPA: Roger Hustad fekkk ei spesiell gåve av sonen Rasmus. Her er dei begge stasa opp til Olavsgildet. (Foto: Randi Kleppe)

Rasmus (10) overraska pappa Roger (40) med heimesydde vikingklede

Roger Hustad visste ikkje at sonen Rasmus kunne sy. Så fekk han ei unik gåve til 40-årsdagen.
Publisert 05.07.2019 kl. 12.00.

– Eg sydde vikingkjortel til meg og pappa, smiler Rasmus Hustad (10).

– Meg og pappa har likt mykje vikingting og sånt. Derfor tenkte eg at det hadde vore fint om eg laga vikingklede til meg og han, legg han til.


I slekt med Harald Hårfagre

Interessa hans for vikingtida begynte då klassen hans hadde om middelalderen på skulen.

– Men eg blei meir interessert då eg fann ut at meg og pappa, og eigentleg heile familien hans, er i slekt med Harald Hårfagre, seier Rasmus.

Vikingtida har blitt ei stor fellesinteresse for far og son Hustad. I fjor begynte dei å gå på vikingmarknadar saman, ein tradisjon dei held fram med i år.

– Kva er det du liker med vikingtida?

– Eg liker at dei segla veldig mykje. Og så liker eg språket og runene, seier Rasmus, som sjølv har eit runealfabet liggande på guterommet.


Gåve til 40-årsdagen

Vikingkjortelen blei overrekt til Roger på morgonen 23. mai, då han fylte 40 år.

– Eg har aldri blitt så glad for ei gåve før. Det er den mest overraskande gåva eg har fått! seier ein stolt Roger Hustad.

Han fortel at sonen, på morssida, slekter på Hilda «Litto» Teigland, som det seiest at sydde 500 bunadar; kanskje er det der Rasmus har talentet for sying frå?

– Eg trudde først at den var kjøpt, for den var så fin, seier Roger, og peiker på vikingkjortelen han fekk av sonen.


Spelte i Olavsgildet

I helga var det mange som fekk sjå vikingkjortlane Rasmus sydde. Både han og Roger var nemleg med i spelet om Olavsgildet. Rasmus spelte Kark og Rasmus, medan Roger spelte Kjetil.

– Korleis har det vore å spela i Olavsgildet?

– Det synest eg har vore gøy, litt slitsamt, men veldig gøy, seier Rasmus.

– Eg har hatt det veldig kjekt på Olavsgildet, og eg har blitt kjent med masse folk, legg han til.

– Det var ei fantastisk reise, med heilt fantastiske menneske. Det kjennest litt tomt at det er over, seier Roger.

Han legg til at dei to gjerne er med igjen, dersom spelet skal settast opp neste år.

– Har du planar om å sy meir framover, Rasmus?

– Eg har ikkje planar om det, men eg skal nok sy litt framover, seier den unge syaren.

• Les også: Husflidslaget skulle sy tre kostyme til Olavsgildet – enda opp med 24


Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...

Lesarbrev: God søndagstur

På søndag skal Norge nok ein gong gjennomføra verdas største dugnad. 100.000 bøsseberarar går på tur i heile Norge, og samlar inn pengar til velgjerande organisasjonar. Kvart år blir det lagt ned ein stor innsats på Tysnes, og det er kjekt å sjå at gjevargleda til oss tysnesingar er stor kvart einaste år. Skular, lag og organisasjonar, kyrkja, privatpersonar og bedrifter har bidrege for å få...