HEIA PÅ SKAMBEINA: Kirsti Sundal og Karoline dalen følgde engasjert med på kampen. (Alle foto: Vetle Mikkelsen)
HEIA PÅ SKAMBEINA: Kirsti Sundal og Karoline dalen følgde engasjert med på kampen. (Alle foto: Vetle Mikkelsen)

– Me er ivrige fotballsupporterar

Siste dag av fotballcupen bydde på god stemning og ballspel på høgt nivå.
Publisert 07.07.2019 kl. 18.18. Oppdatert kl. 18.27.

– Me er ivrige fotballsupporterar, sa Kirsti Sundal.

Saman med vennninna Karoline Dalen hadde ho tatt turen til Reiso søndag, for å sjå på ballspelet. Dei to pleier sjølv å ta del i Tysnes Sparebank Cup, men i år kom ferieplanar i vegen for dette.

– Me koser oss! la Kirsti til.

Venninnene følgde engasjert med på sluttspelet i klassen sårbeinte damer, der Skambeina møtte Charlies Angels.

– Me heiar på Tysnes, på Skambeina, smilte Karoline.


Husmødrer vann kampen

Charlies Angels vann kampen 4–2, og klatra dermed til topps i klassen sårbeinte damer.

– Dette var veldig, veldig gøy! Me hadde låge forventningar. Me skulle berre ha det gøy og spela fotball, sa ein smilande Charlotte «Charlie» Bårdsen til «Tysnes» etter kampen.

Charlotte er den på laget som har hytte på Tysnes, og var vertskap for lagvenninnene sine i helga:

– Me er på husmorferie, sa ho.

Ho skrytte av stemninga og spelet under cupen:

– Det har vore veldig fair play. Det har ikkje vore sleivete og stygg speling, sa Charlotte.

Lagkameraten Merethe Christensen hadde grunn til å smila etter cupen.

– Eg skåra mitt første mål på Tysnes-cupen! Det var veldig gøy, sa Merethe, som har vore med på cupen kvart år sidan 2015.

– Eg fekk stor jubel frå laget mitt, la ho til, med eit fornøgd smil om munnen.


Resultat

I klassen lettbeinte damer møttest Klovner i Kamp og 5 jenter 1 cup. Førstnemnde stakk av med sigeren, med eit resultat på 9–3.

Av dei sårbeinte mennene var det Gymmen og TG16 som gjekk vidare til finalen. Gymmen spelte seg til ein overlegen 6–0-siger.

I finalen for lettbeinte menn var det duka for ein forrykande kamp mellom Fifa Street og Boca Juniors. Sistnemnde vann 6–0.

Fifa Street-gutane var likevel ved godt mot etter finaletapet.

– Det er det sosiale som er viktigast. Det er drikkinga me er her for, sa Vegard Ludvigsen i Fifa Street, med glimt i auga.











SÅRBEINT FINALE: Skambeina og Charlies Angels møttest i finalen for sårbeinte damer.
SÅRBEINT FINALE: Skambeina og Charlies Angels møttest i finalen for sårbeinte damer.
GAV JERNET: Det var hard kamp om ballen.
GAV JERNET: Det var hard kamp om ballen.
CHARLIES ANGELS: Desse damene gjekk til topps i klassen sårbeinte damer. Frå venstre: Charlotte Bårdsen, Linda Jacobsen, Merethe Christensen, Kathrine Elholt og Mari-Janne Remme.
CHARLIES ANGELS: Desse damene gjekk til topps i klassen sårbeinte damer. Frå venstre: Charlotte Bårdsen, Linda Jacobsen, Merethe Christensen, Kathrine Elholt og Mari-Janne Remme.
FØRSTE MÅL: Merethe Christensen har deltatt på cupen fleire gongar. I år skåra ho for første gong
FØRSTE MÅL: Merethe Christensen har deltatt på cupen fleire gongar. I år skåra ho for første gong
BALLSPARK: Her møtest Gymmen og TG16 (i brune drakter).
BALLSPARK: Her møtest Gymmen og TG16 (i brune drakter).
ACTION: Det gjekk heitt for seg.
ACTION: Det gjekk heitt for seg.
IVRIG KEEPER: Målvakta til TG16 var svolten på skåring. Han tok saka i eigne hender, og sprang ut på banen.
IVRIG KEEPER: Målvakta til TG16 var svolten på skåring. Han tok saka i eigne hender, og sprang ut på banen.
GYMMEN: Desse gutane vann kategorien sårbeinte menn.
GYMMEN: Desse gutane vann kategorien sårbeinte menn.
GRANDE FINALE: Boca Juniors og Fifa Street (blå drakter) møttest i finalen for lettbeinte menn.
GRANDE FINALE: Boca Juniors og Fifa Street (blå drakter) møttest i finalen for lettbeinte menn.
AUGO PÅ BALLEN: Finalespelarane følgde nøye med på kor den vesle lærkula var til kvar ei tid.
AUGO PÅ BALLEN: Finalespelarane følgde nøye med på kor den vesle lærkula var til kvar ei tid.
KJAPPE: Spelarane la på sprang etter ballen.
KJAPPE: Spelarane la på sprang etter ballen.
LETTBEINTE VINNARAR: Boca Juniors stakk av med sigeren i kategorien lettbeinte menn.
LETTBEINTE VINNARAR: Boca Juniors stakk av med sigeren i kategorien lettbeinte menn.

Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...