OSLOBORGARAR: Guri Rekve og dottera Sina (10) var på familietur til Gjøvåg. (Alle foto: Vetle Mikkelsen)
OSLOBORGARAR: Guri Rekve og dottera Sina (10) var på familietur til Gjøvåg. (Alle foto: Vetle Mikkelsen)

Frå Oslo til Gjøvåg: – Ei unik oppleving!

Søndag var det duka for åndeleg påfyll og rømmegraut i Gamlaløo på Gjøvåg.
Publisert 08.07.2019 kl. 13.17.

Sokneprest Marit Isaksen Espedalen innleia seansen med ei preike som passa høvet.

Ho brukte den gamle garden på Gjøvåg som ei ramme, og trekte parallellar mellom korleis folk som levde før, og folk som lever no, finn meining i evangeliet om Jesus Kristus.

Blant anna preikte ho om at kyrkja gir svar når ein føler seg hjelpelaus:

– Når me spør oss sjølv dei store eksistensielle spørsmåla, då søker me svara i kyrkja og i Guds ord, sa presten.

Gudstenesta blei elles meisterleg akkompagnert av André Eide på piano.


Fortalde om fortida

Etter at gudstenesta var over, var det duka for kaffi, kaker og rømmegraut, men først gjekk Anny Gjøvåg fram og takka for oppmøtet.

– Det er veldig kjekt at så mange tok turen, sa Anny til dei vel 50 menneska som var til stades.

– Eg kom i tankar då du snakka om forfedrane våre, sa ho vidare, halvvegs retta mot Marit prest.

– Då tenkte eg på besto mi. Ho var fødd i 1896, og var konfirmant i den gamle Tysnes-kyrkja, la ho til.

Den gongen måtte besta til Anny gå heilt til Savågsbryggja.

– Vegen til Savågsbryggja var den første vegen på Reksteren, fortalde Anny.

– No når de kom hit, så kom alle med bil. Det er litt lettare.

Etterpå utveksla ho eit par ord med avisa.

– Eg synest det var ei heilt fantastisk gudsteneste, med fin musikk, sa ho til «Tysnes».

Ho la til at det var kjekt å få så mange folk på besøk.

– Det er eit gammalt tun, og det er kjekt at folk får koma opp og sjå på det, sa ho.


Osloborgarar på tur

– Me koser oss i starten av ferien, sa Guri Rekve.

Saman med dottera Sina (10) og resten av familien, hadde ho tatt turen til Gjøvåg søndag.

Til dagleg bur dei i Oslo, men mannen til Guri, Ivar Rekve, kjem frå Tysnes. I helga var dei på besøk hos mor til Ivar, Liv Torunn Rekve.

– Me får vera med svigermor på gudsteneste, smilte Guri.

Ho skrytte av det historiske tunet til Anny og Harald, og av reisa frå Uggdal til Gjøvåg.

– Me har fått oppleva Reksteren i dag. Det er utruleg flott her. Dette var ei utruleg flott oppleving! sa Guri vidare.

– Me er kanskje med på å trekka ned aldersgjennomsnittet her, la ho til, med glimt i auga.


Gjengangarar på gudstenesta

– Her har me vore før, sa Eirik Kroken.

– Me pleier å vera på denne gudstenesta. Det er kjekt, og løa er flott, la faren Rune Kroken til.

Dei er bergensarar, men Rune eig eit småbruk på Høviskeland, og ferierer gjerne på Tysnes.

– Det kjem mange fleire folk på denne gudstenesta enn på dei i Uggdal kyrkje, sa Rune.

Han skrytte vidare av gudstenesta, og sa at spesielt musikken var inspirerande.

– Det var ei fin gudsteneste, spelte Eirik inn.


PREIKTE FOR FORSAMLINGA: Sokneprest Marit Isaksen Espedalen var innom mykje i preika si.
PREIKTE FOR FORSAMLINGA: Sokneprest Marit Isaksen Espedalen var innom mykje i preika si.
DYKTIG MUSIKAR: André Eide hausta mykje skryt etter gudstenesta.
DYKTIG MUSIKAR: André Eide hausta mykje skryt etter gudstenesta.
BERGENSARAR: Rune og Eirik Kroken ferierer på Høviskeland.
BERGENSARAR: Rune og Eirik Kroken ferierer på Høviskeland.
VERTSKAP: Anny Gjøvåg takka dei frammøtte for at dei tok turen.
VERTSKAP: Anny Gjøvåg takka dei frammøtte for at dei tok turen.

Siste saker Gå til framsida

Leiar: Lokalsamfunn med eit godt hjelpeapparat

Natt til laurdag tok det til å brenna i eit bustadhus i Uggdal. Den unge familien kom seg til all lukke ut av det brennande huset utan fysiske skadar. I «Tysnes» denne veka kan me lesa at brannvesenet var på brannstaden eit kvarter etter at mor i huset fekk varsla om brannen klokka 03.23. Det gler...