KREATIVT DESIGN: Johnny Helgesen og May Britt Meland viser fornøgd fram båten til Accountor. På "skjermen" står telefonnummeret til bedrifta.
KREATIVT DESIGN: Johnny Helgesen og May Britt Meland viser fornøgd fram båten til Accountor. På "skjermen" står telefonnummeret til bedrifta.

Har laga åtte båtar til «Ta sjansen»

Tysnesfest og «Ta sjansen» nærmar seg med stormskritt. Hos Tysnes Industri er snart åtte båtar ferdige.
Publisert 09.07.2019 kl. 13.59. Oppdatert kl. 14.09.

– Det var vel eigentleg ein idé som Vegard (Aslaksen, journ.merk) hadde. Me snakka laust om Tysnesfest, seier Johnny Helgesen.

Han har vore hovudansvarleg for prosjektet der Tysnes Industri AS har laga «Ta sjansen»-båtar til lokale bedrifter. Idéen såg dagens lys etter at Tysnesfest lanserte ein eigen bedriftsklasse for «Ta sjansen», der vinnarane får ein vandrepokal.


Johnny på saka

– Då hadde me ein idé om at me skulle laga ein mal for båtane. Så sette me Johnny på research, seier May Britt Meland i Tysnes industri.

– Eg har sett mange YouTube-videoar, seier Helgesen.

Til slutt fann han fram til ein mal dei kunne bruka til båtane. Sidan då har dei tatt imot sju bestillingar frå lokale bedrifter, i tillegg til at dei har laga ein eigen båt til Tysnes Industri.

– Det har vore ganske enkelt etter at me fann fram til malen. Den består av få delar, legg Helgesen til.

– Alle som jobbar her har vore med på arbeidet, held han fram.

– Me har samarbeidd med bladet Tysnes om trykking av logoar, fortel Meland.


Ulike design

– Dette har vore ei kjekk avveksling, seier Helgesen om båtbygginga.

Sjølv om båtane er laga med den same malen, er dei likevel alle unike. Det er trykt eigne logoar for båtane, og alle båtane har særmerke i sine design.

Helgesen og Meland viser blant anna fram båten til rekneskapsfirmaet Accountor, som har eit overbygg forma som eit kassaapparat.

– Eg foreslo at dei to som køyrer båten kunne heita Debet og Kredit, spøker Meland.


Viktig med fornying

– Det er eit kjempebra initiativ frå Tysnesfest å setta i gang ein eigen bedriftsklasse, seier Meland.

Ho trur det er lurt av festivalen å prøva nye ting.

– Viss ein gjer det same heile tida, blir folk lei, seier ho.


Siste saker Gå til framsida

Tråla etter avfall

– BKK er sponsor for Tysnesfest, og så er me òg samarbeidspartnar med Dale Oen Experience, fortel Kjersti Drangevåg i BKK.The Dale Oen Experience er ei stifting som blei starta etter at den kjente, norske svømmaren Alexander Dale Oen gjekk bort. Stiftinga har som mål å legga til rette for opplevingar og meistring for barn og ungdom, og då spesielt dei som ikkje har ein enkel...

Leiar: «I planen er det opna for utfylling i sjø. Det bør gjerast»

Politikarane i landbruk/teknisk i Tysnes tek ikkje ferie. I dag er dei kalla inn til ekstramøte for å handsama søknaden frå Fjord1 om det nye tekniske bygget til el-ferja i Våge. Fjord1 ber om ny politisk vurdering. Innkallinga til møtet er sendt ut 15. juli. Brevet frå Fjord1 er postlisteført 2. juli.Det er...