SPRANG I MÅL: Deltakarane i barneklassen sprang kanskje ikkje like fort som dei vaksne, men dei var minst like engasjerte. (Foto: Vetle Mikkelsen)
SPRANG I MÅL: Deltakarane i barneklassen sprang kanskje ikkje like fort som dei vaksne, men dei var minst like engasjerte. (Foto: Vetle Mikkelsen)

Ramnanuten Opp for femte gong

Vêrgudane var nådige, då Ramanuten Opp gjekk av stabelen onsdag.
Publisert 10.07.2019 kl. 18.48.

– Me sprang barneløpet! fortalde Ingrid Skjellevik (10).

– Det var gøy! skaut Erik Skjellevik Innselset (10) inn.

Dei stod og naut kvar sin velfortente is, etter å ha sprunge frå Essoen i Våge til Tysnes kyrkje, og tilbake.

– Kva var det de likte best med løpet?

– Det var isen! smilte Erik.


Auke i deltakarar

Marthe G. Birkeland i SvingenPuls fortalde at løpet var ein suksess i år.

– Det var fleire deltakarar i år enn i fjor og kjempefint vêr. Det var òg veldig gode resultat, sa ho.

Ho meiner at Ramnanuten Opp er eit godt tilskot til Tysnesfest.

– Det er ein veldig flott måte å visa fram Tysnes på. Utsikta frå Ramnanuten er jo utruleg flott, seier ho.

– Det er eit veldig positivt arrangement i forhold til at Tysnesfest ikkje berre er fest og moro. At det kjem inn litt idrett gjer spekteret av kva Tysnesfest kan tilby breiare, seier Birkeland.

Ho trekker òg fram at Ramnanuten Opp er eit familievennleg arrangement.

– Det er positivt for familiar som har med seg både vaksne og ungar. Det er fin stemning, rett og slett! seier ho.


Resultat herreklasse

1. Jørgen Austvik, 15.08

2. Erlend Gjerdevik Sørtveit, 15.34

3. Johan Løve Gjersvik, 16.11


Resultat kvinneklasse

1. Marita Nygård, 20.26

2. Maren Bakken, 21.12

3. Marianne Davanger, 22.46


Resultat gutar under 16

1. Oliver Fagerbakk, 19.16

2. Mathias Bakke, 21.22

3. Kristian Brenne, 22.00


Resultat jenter under 16

1. Anna Birkeland, 24.51

2. Henriette Bakke, 25.18

3. Bertine Landeraaen, 27.44


I SOLA: Unge medhjelparar sytte for ei kjekk oppvarming til fengande musikk før barneløpet starta. (Foto: Camilla Korsnes)
I SOLA: Unge medhjelparar sytte for ei kjekk oppvarming til fengande musikk før barneløpet starta. (Foto: Camilla Korsnes)
DUO: Gaute Eide Bergstø (t.v.) fekk onsdag sin debut som programleiar for Tysnesfest, saman med rutinerte Tommy Hansen.
DUO: Gaute Eide Bergstø (t.v.) fekk onsdag sin debut som programleiar for Tysnesfest, saman med rutinerte Tommy Hansen.
START: Det var som vanleg mange deltakarar i konkurranseklassen. Kvinna nærmast er Marita Nygård. (Foto: Camilla Korsnes)
START: Det var som vanleg mange deltakarar i konkurranseklassen. Kvinna nærmast er Marita Nygård. (Foto: Camilla Korsnes)
ÅT IS: Ingid Skjellevik Innselset (11), Vilde Skjellevik (6), June Skjellevik (10) og Eirik Skjellevik Innselset (10) koste seg med is etter barneløpet. (Foto: Vetle Mikkelsen)
ÅT IS: Ingid Skjellevik Innselset (11), Vilde Skjellevik (6), June Skjellevik (10) og Eirik Skjellevik Innselset (10) koste seg med is etter barneløpet. (Foto: Vetle Mikkelsen)
MOSJONSKLASSEN: Det var mange mosjonistar i fjellsidene onsdag.  (Foto: Vetle Mikkelsen)
MOSJONSKLASSEN: Det var mange mosjonistar i fjellsidene onsdag. (Foto: Vetle Mikkelsen)

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...