SÅPEBOBLER ER MAGISKE: Elvira Løve Gjersvik (1) lot seg riva med av magien på generasjonsgudstenesta i Uggdal kyrkje. (Alle foto: Camilla Korsnes)
SÅPEBOBLER ER MAGISKE: Elvira Løve Gjersvik (1) lot seg riva med av magien på generasjonsgudstenesta i Uggdal kyrkje. (Alle foto: Camilla Korsnes)

Blåste Tysnesfest i gang i Uggdal kyrkje

Elvira Løve Gjersvik (1) var ei av dei som fekk vera med då prest Marit I. Espedalen inviterte store og små til å slengja seg ut i sambarytmar, song og meditasjon.
Publisert 10.07.2019 kl. 15.18. Oppdatert kl. 15.30.

– Gud skapte oss som heile kroppar. Då må me bruka den òg, ikkje berre øyrene.

Det argumenterte prest Marit I. Espedalen til dei nær tretti frammøtte som var med på å markera starten på Tysnesfest i Uggdal kyrkje onsdag føremiddag.


Inkluderte alle aldrar

– Eg er veldig imponert over kor godt ho klarar å få med borna. Det likar eg veldig godt, seier Kamilla Løve Gjersvik, som hadde med seg hjarteknusaren Elvira på eitt år.

– Gudstenesta blei ikkje så stillesitjande, og eg merka at Elvira ikkje var så sjenert då ho var med her, smiler Kamilla.

Programmet baud mellom anna på sambadans og «Bomchika, bomchika, bom bom». Presten snakka om tru og kjærleik, og borna fekk vera med i meditasjonshengekøye. – Dei har jo nesten klart å sovna. Me kan eigentleg angra oss me vaksne, som ikkje la oss ned, smiler presten.


– Skikkeleg fin start

Kamilla og Elvira har vore med på babysong nokre gongar etter at dei flytta til Tysnes i mars. Kamilla er frå Danmark, men mannen er her frå øya. Han har klart å lokka ho hit, og no bur dei fast i Uggdal.

– Det er veldig koseleg å vera her. Me har vore på besøk mange gongar sidan 2015.

Sidan den gong har Kamilla fått med seg Tysnesfest tre gongar, og håpar på fleire. Etter generasjonsgudstenesta bar det vidare for å sjå pappa springa Ramnanuten Opp.

– Dette blei ein skikkeleg fin start på Tysnesfest, avsluttar ho.




AVSLAPPING: Jacob Hole (i midten) fann roen då det blei spelt meditasjonsmusikk.
AVSLAPPING: Jacob Hole (i midten) fann roen då det blei spelt meditasjonsmusikk.
ENGASJERT: Tradisjonen tru var det Marit I. Espedalen som heldt generasjonsgudstenesta. Her frå innslaget Bom Chicka.
ENGASJERT: Tradisjonen tru var det Marit I. Espedalen som heldt generasjonsgudstenesta. Her frå innslaget Bom Chicka.
FLOTT START PÅ TYSNESFEST: Kamilla Løve Gjersvik var imponert over kor godt presten fekk med borna, og likte at starten på Tysnesfest var av det barnevenlege slaget. Her med Elvira (1).
FLOTT START PÅ TYSNESFEST: Kamilla Løve Gjersvik var imponert over kor godt presten fekk med borna, og likte at starten på Tysnesfest var av det barnevenlege slaget. Her med Elvira (1).
BRØDRE: Olav (8) og Edvard Espedalen-Skram (5) koste seg med tromme-speling.
BRØDRE: Olav (8) og Edvard Espedalen-Skram (5) koste seg med tromme-speling.
ALLTID POPULÆRT: Isabell Kripaityte-Nordbustad (t.v.), Tuva Sælensminde Auran, Jacob Hole, Kristina Hole og Delina Hole blåste store mengder såpebobler under velsigninga.
ALLTID POPULÆRT: Isabell Kripaityte-Nordbustad (t.v.), Tuva Sælensminde Auran, Jacob Hole, Kristina Hole og Delina Hole blåste store mengder såpebobler under velsigninga.

Siste saker Gå til framsida

Turlaget på Stord vitja Tysnes

Nyleg var Stord - Fitjar Turlag på sin årlege tur til Tysnes. Dei ti medlemene som tok turen denne dagen gjekk opp frå Vadla til Tysnessåto, og deretter til Hovlandsnuten via Etlådnefjellet. Deretter ned til Vasstølen og parkeringsplassen ved Skaret. – Planen var ifylgje programmet å gå enten berre til Såto eller Nuten, men i det fine veret denne dagen, var det ynskje frå gruppa om å ta...

Emma (11) fekk møta dronninga og prinsessa

Heile 7. klasse ved Tysnes skule fekk ein uforgløymeleg dag då Emma Sofie Nesse Torgersen fekk vera med Dronning Sonja og Prinsesse Ingrid Alexandra under snorklippinga av prinsessa sin skulpturpark i Oslo.