TIDLEG UTE: Karin Mjelde og dottera Marlene Myrtvedt (27) har det som plomma i egget i Tysnesfest-veka, og forventningane er på topp. Dei kom søndag for å sikra seg ein god plass i båthamna.
TIDLEG UTE: Karin Mjelde og dottera Marlene Myrtvedt (27) har det som plomma i egget i Tysnesfest-veka, og forventningane er på topp. Dei kom søndag for å sikra seg ein god plass i båthamna.

Var tidleg ute med å sikra seg båtplass

Det gjeld å vera ute i god tid, og det veit den trufaste festivaldeltakaren Karin Mjelde frå Bergen.
Publisert 10.07.2019 kl. 12.45. Oppdatert kl. 13.23.

Ho er på Tysnesfest for sjuande gong, og dedikasjonen lyser. Både for festivalen og for livet i båthamna. Difor kom ho til Våge på søndag for å sikra seg den perfekte båtplassen, og den fekk ho.

– Båtplass kjøpte me for to månader sidan, seier Mjelde.

Det gjorde ho lurt i, for båtplassane låg sterkt an til å bli utselde i løpet av onsdag føremiddag.


Skal få med seg alt

Med seg på festivalen har ho to døtrer og to gjestar. Dei har kjøpt pass til heile festivalen, alle saman.

– Torsdagen er vel den dagen me gler oss mest til, med Åge Aleksandersen, Kurt Nilsen og dei, seier Mjelde.

– Ja, det blir spanande. Og så kjem Ina Wroldsen, Julie Bergan og Matoma, legg dottera Marlene Myrtvedt (27) til.


Båthamna betyr mykje

– Tysnesfest har veldig mykje bra, og eg har sagt til alle eg kjenner at dei må komma seg ut hit, seier Marlene.

Karin stemmer i.

– Dei er flinke, og klarar veldig godt å laga ei god spreiing på alder.

– Og så gler me oss veldig til å vera her i båthamna då. Det er mykje liv her med båtane, og mange vener å treffa, avsluttar dei.


Mykje er selt ut

Det ser ut til at årets Tysnesfest vil gå godt. Båthamna er så godt som full. Podtown blei utseld måndag, og på campingplassen i Uggdal er det blitt trongt om plassen.

– Dei siste campingplassane forsvann for nokre dagar sidan, er statusrapport frå festivalsjef Øystein Vaage.

Teltcampingen har framleis mykje plass, men ein kan seia med sikkerheit at den er over halvfull.

Billettsalet til kveldsarrangementa på Gjerstad arena ligg festivalen òg godt an med.

– Me ligg så langt 11 % framfor i fjor, og det er me veldig fornøgde med, seier festivalsjefen.


Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.