KOSTE SEG: Kurt Nilsen, Espen Lind og resten av kvartetten laga mykje liv blant publikum på Gjerstad.
KOSTE SEG: Kurt Nilsen, Espen Lind og resten av kvartetten laga mykje liv blant publikum på Gjerstad.

Lind, Nilsen, Fuentes og Holm sette fyr i publikum

Comeback-kameratane leverte hitparade for Tysnesfest-publikummet.
Publisert 11.07.2019 kl. 22.21.

– Det var heilt fantastisk. Det er ikkje ofte ein berre kan sitja på graset og nyta livet på denne måten, seier Helene Lie.

Lovorda sit laust hos publikum på Gjerstad arena. Kvartetten Lind, Nilsen, Fuentes og Holm har nettopp spelt sin siste låt for kvelden, og gjekk av scenen til strålande applaus.


God stemning

Det vart tidleg god stemning på Gjerstad torsdagskvelden. Novocaine opna showet, før Rotlaus verkeleg fekk i gang festen. Deretter tok arenaen fyr då Espen Lind, Kurt Nilsen, Alejandro Fuentes og Askil Holm gjekk på scenen.

Kvartetten oppstod i 2006, og var på Tysnesfest i 2009. Sidan den gong har dei hatt pause frå samarbeidet, men er i år tilbake for fullt.

Allereie frå start av konserten fekk publikum servert hit etter hit, av både norsk og internasjonalt kaliber. Gjengen opna med ein roleg versjon av «Hallelujah», som kanskje er låta dei er mest kjend for.

Deretter følgde ein hitparade med låtar som «When Susannah Cries», «Never Easy», «Hey, Soul Sister», «The Gambler» og «She’s So High», som Kurt Nilsen vann Idol med i 2003.


Høgdepunkt

For Helene Lie, og hennar festivalkompanjongar Kent Nordtveit og Lena Nesland, har kvelden til no vore storslagen.

– Me berre nyt kvelden, seier Kent.

Lind, Nilsen, Fuentes og Holm er det førebelse høgdepunktet for dei tre, og dei koste seg på plenen under heile showet.

– Kva songar var dei største høgdepunkta?

– Alle dei har er like bra, seier Kent.

Gjengen frå Bergen gler seg stort til resten av kvelden, og spesielt det siste bandet som går på scenen.

– Me venter på D.D.E., fortel Helene.

Og gjengen varslar at dei ikkje berre kan nyta musikken frå graset når D.D.E. går på.

– Då må me fram, avsluttar Helene.

Torsdagskvelden vert avslutta med LÖV, Åge & Sambandet og D.D.E.


STRÅLANDE NØGD: Helene Lie (t.v.), Kent Nordtveit og Lena Nesland storkoste seg med dei fire gitarspelarane.
STRÅLANDE NØGD: Helene Lie (t.v.), Kent Nordtveit og Lena Nesland storkoste seg med dei fire gitarspelarane.
LIND, NILSEN, FUENTES og HOLM: Det var fire populære karar som spelte for Tysnesfest-publikummet torsdag.
LIND, NILSEN, FUENTES og HOLM: Det var fire populære karar som spelte for Tysnesfest-publikummet torsdag.
FOLKEHAV: Det var eit yrande folkeliv framfor scenen då Lind, Nilsen, Fuentes og Holm spelte.
FOLKEHAV: Det var eit yrande folkeliv framfor scenen då Lind, Nilsen, Fuentes og Holm spelte.

Siste saker Gå til framsida

Lesarbrev: Ja til norsk natur og ja til klimatiltak

Verden står i dag overfor to hovedutfordringer: klimautfordringen og tap av natur. For Norges Jeger- og Fiskerforbund Hordaland er det viktig at vi tar begge utfordringene på alvor. Vi må ta vare på naturen samtidig som vi støtter opp om tiltak for å håndtere klimautfordringene. Vår natur er leveområdet for planter, dyr og fisk. Den er også arena for friluftsliv til glede for folk...

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...