GOD STEMNING: Rotlaus trekte mange heilt fram til scenekanten, mellom anna desse jentene.
GOD STEMNING: Rotlaus trekte mange heilt fram til scenekanten, mellom anna desse jentene.

Konsertfesten er i gang

Novocaine og Rotlaus opna ballet på Gjerstad torsdag.
Publisert 11.07.2019 kl. 20.20.

Tysnesfest er godt i gang, og halv sju torsdag kveld gjekk fyrste band på scenen på Gjerstad arena. Torsdagskvelden vert beskriven som ein folkeleg kveld, som vert toppa med Åge Aleksandersen & Sambandet og D.D.E.


Tidleg god stemning

Aller fyrst ute var Novocaine, med sin melodiøse, alternative rock. Dei drog fram sitt beste låtmateriale, inkludert hiten «Paradox».

Deretter følgde Ørsta-gruppa Rotlaus, som verkeleg fekk fart på publikum. Mange trekte fram til scenen, og stemninga var god blant publikum.

Rotlaus er fronta av Bjørn Marius Øyehaug, som i 2009 spelte på Tysnesfest sist, då som trommeslagar i Vassendgutane.


Skal sjå broren

Blant dei mange frammøtte tidleg på torsdagskvelden, er Christine Skogseth Bjørsvik, Marion Skogseth Bjørsvik og Eline Darki. Dei har kome eins ærend for å høyra på LIND+NILSEN+FUENTES+HOLM. Eline er nemleg systera til Alejandro Fuentes. Ho synest det er flott at broren, og artistkameratane har gjort comeback i år.

– Det er kjempegøy at dei speler i lag igjen, fortel Eline.

Dei skal berre vera på festivalen i dag, men Marion kunne godt tenkt seg å fått med seg nokon av artistane som skal spela dei andre kveldane.

– Ina Wroldsen har eg stor sans for, fortel ho.


Desse speler torsdag kveld:

Novocaine

Rotlaus

LIND+NILSEN+FUENTES+HOLM

LÖV

Åge Aleksandersen & Sambandet

D.D.E.





ATTRAKTIVT LIVE-BAND: Rotlaus er fronta av Bjørn Marius Øyehaug, som tidlegare har vore på Tysnesfest som trommeslagar for Vassendgutane.
ATTRAKTIVT LIVE-BAND: Rotlaus er fronta av Bjørn Marius Øyehaug, som tidlegare har vore på Tysnesfest som trommeslagar for Vassendgutane.
SKAL SJÅ BROREN: Eline Darki (t.h.) har komt til Tysnesfest for å sjå broren Alejandro Fuentes. Med seg har ho Christine Skogseth Bjørsvik (t.v.) og Marion Skogseth Bjørsvik.
SKAL SJÅ BROREN: Eline Darki (t.h.) har komt til Tysnesfest for å sjå broren Alejandro Fuentes. Med seg har ho Christine Skogseth Bjørsvik (t.v.) og Marion Skogseth Bjørsvik.
ÅNDELEG: Paven er på plass i år som i fjor.
ÅNDELEG: Paven er på plass i år som i fjor.
KOSAR SEG: Desse gutane var tidleg ute og fekk kremplassane heilt framme ved gjerdet då Rotlaus spelte.
KOSAR SEG: Desse gutane var tidleg ute og fekk kremplassane heilt framme ved gjerdet då Rotlaus spelte.
LENGRE BAK: Medan desse gutane koste seg like mykje litt lengre bak.
LENGRE BAK: Medan desse gutane koste seg like mykje litt lengre bak.
OPNA SHOWET: Novocaine var aller fyrst ute på scenen på Gjerstad.
OPNA SHOWET: Novocaine var aller fyrst ute på scenen på Gjerstad.
SOL: Mange har funne seg til rette på graset i sommarsola.
SOL: Mange har funne seg til rette på graset i sommarsola.

Siste saker Gå til framsida

Folketalet auka med 14

Ved utgangen av tredje kvartal i 2019 er folketalet i Tysnes kome opp i 2.862. Det er 14 fleire enn ved utgangen av andre kvartal. Då var folketalet 2.848.Elleve personar er fødd i Tysnes i dette kvartalet, medan fire personar har døydd. Det gjev eit fødselsoverskot på sju.I same periode har det flytta 30 personar inn til Tysnes, av desse fire frå utlandet. 23 personar har flytta...

Klart for ny førjulsmesse

Laurdag er det tid for den tradisjonsrike førjulsmessa i Tysnes bedehus, der overskotet går til Indremisjonen sitt arbeid i vår krets. Her kan ein kjøpa heimebakst, handarbeid og andre kjekke varer, i tillegg til å få med seg eit variert program om ein ynskjer det. Barne- og familiearbeidar i IMS, Lise Marie Thuestad Litlabø stiller som andaktshaldar, og det blir song av både...