VENNINNER: Josefine Skotnes (20) og Frida Sofie mehammer (18) såg fram til konserten.
VENNINNER: Josefine Skotnes (20) og Frida Sofie mehammer (18) såg fram til konserten.

– Me tenkte at me trong ein tur før det begynner i kveld

1.700 turgjengarar var innom Tysnessåto torsdag, for å høyra Skambankt unplugged.
Publisert 11.07.2019 kl. 16.39.

– Me tenkte at me trong ein tur før det begynner i kveld, sa Frida Sofie Mehammer (18).

Saman med venninna Josefine Skotnes (20) frå Austevoll, tok ho turen til Tysnessåto torsdag, for å høyra Skambankt unplugged. Dei var i godt selskap; 1700 andre turgjengarar møtte opp for å høyra på rockarane frå Jæren.

– Eg ville ta ho med, sidan ho ikkje har vore her før, sa Josefine.

Dei to har ikkje noko særleg forhold til Skambankt, men såg likevel fram til konserten.

– Eg håper det blir god stemning, sa Frida.


Jærbuane leverte

Før konserten ønskte programleiarane Gaute Bergstø og Tommy Hansen publikum.

– De er kanskje litt skambankt i beina, sa Tommy.

– Eg håper de har skyhøge forventningar, sjølv om det ikkje er så mykje skyer i dag, skaut Gaute inn.

Så var konserten med eitt i gang! Hardrockarane leverte låt etter låt, og hadde god kjemi med publikum.

Det var òg markant betre lyd enn på konserten i fjor, så songane kom verkeleg til sin rett.

– Tusen takk! Det var veldig kjekt og spesielt og annleis og fint, sa vokalist og gitarist Terje Winterstø Røthing etter seansen.


Ønsker seg akustisk album

– Det var fantasitsk fint! sa Monika Brekke Gjerme til «Tysnes» etter konserten.

– Me skulle ønska at Skambankt gav ut eit akustisk album! Det var veldig kjekt å kunna høyra tekstane, la venninna Ingrid Vaage til.

Dei bur begge på Voss, men Ingrid kjem opphaveleg frå Tysnes.

– Hadde de noko særleg forhold til Skambankt frå før av?

– Lite, men me har sjølvsagt høyrt om dei, sa Ingrid.

– Eg trur eg liker denne konserten betre enn den i morgon, la ho til.

Fredag speler nemleg Skambankt på Gjerstad Arena. Den konserten byr nok på meir hardrock, enn det såtekonserten gjorde.


Familietur til såto

Òg blant dei frammøtte var Berit Seljestokken, og sonen Olav Onarheim Seljestokken, som har ein far frå Onarheim på Tysnes.

– Dette er tredje gongen Olav er med, fortalde Berit.

– Det var veldig bra. Eg likte at det var god lyd i forhold til tidlegare år. Dette var god fjellmusikk! sa ho.


SKAMBANKT: Hardrockarane frå Jæren leverte.
SKAMBANKT: Hardrockarane frå Jæren leverte.
MYKJE FOLK: 1.700 tok turen til Tysnessåto torsdag. Det er 700 færre enn i fjor.
MYKJE FOLK: 1.700 tok turen til Tysnessåto torsdag. Det er 700 færre enn i fjor.
ØNSKTE SEG ALBUM: Ingrid Vaage og Monika Brekke Gjerme likte at dei kunne høyra kva Skambankt song om. Dei håper gruppa slepper eit akustisk album.
ØNSKTE SEG ALBUM: Ingrid Vaage og Monika Brekke Gjerme likte at dei kunne høyra kva Skambankt song om. Dei håper gruppa slepper eit akustisk album.
FAMILIETUR: Berit Seljestokken og sonen Olav Onarheim Seljestokken har vore på såtekonserten fleire gongar. Til høgre: Iver Seljestokken Onarheim.
FAMILIETUR: Berit Seljestokken og sonen Olav Onarheim Seljestokken har vore på såtekonserten fleire gongar. Til høgre: Iver Seljestokken Onarheim.

Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...