BLOMSTER-FINN: Torsdag ettermiddag skal Finn Schjøll ha blomstershow i Bermudateltet. I timane før showet var han i lokala til Tysnes Blomster og Interiør og førebudde seg.
BLOMSTER-FINN: Torsdag ettermiddag skal Finn Schjøll ha blomstershow i Bermudateltet. I timane før showet var han i lokala til Tysnes Blomster og Interiør og førebudde seg.

Blomster-Finn med siste førebuingar før blomstershowet

Torsdag var det sjølvaste Finn Schjøll som kundane møtte på hos Tysnes Blomster og Interiør.
Publisert 11.07.2019 kl. 14.59. Oppdatert kl. 15.03.

– Blomane pratar nærast for seg sjølv, seier Finn Schjøll.

Torsdag ettermiddag skal han ha blomstershow i Bermudateltet, og dei siste førebuingane vart gjort i lokala til Tysnes Blomster og Interiør. Der gjer han klart til showet, og jobbar med ulike bukettar og kreasjonar.

– Det vert prat om laust og fast, og eg håpar på ein god atmosfære og at folk kan få med seg litt gode tips, fortel han vidare.


Godt inntrykk av Tysnes

Blome-kjendisen er full av lovord når han blir spurt om kva inntrykk han har fått av Tysnes.

– Det er heilt nydeleg her. Då eg køyrte inn fjorden her, vart eg heilt nervøs fordi eg følte at eg nesten var på veg til Gud, seier han, til latter frå kundar og tilsette i butikken.

– Dette er ein unik stad, og dei som bur her pliktar å ta vare denne staden, fortel Schjøll vidare.


Stor dag for butikken

Jannike Epland Dalland i Tysnes Blomster og Interiør var strålande nøgd med det storfine besøket.

– Det er nesten det største ein blomebutikk kan oppleva. Alle veit kven Finn Schjøll er, fortel ho.

Butikken er med og arrangerer showet, og Epland Dalland håpar festivalgjestane møter fram.

– Eg håpar det kjem mange på showet i ettermiddag, avsluttar ho.


Siste saker Gå til framsida

Lesarbrev: Ja til norsk natur og ja til klimatiltak

Verden står i dag overfor to hovedutfordringer: klimautfordringen og tap av natur. For Norges Jeger- og Fiskerforbund Hordaland er det viktig at vi tar begge utfordringene på alvor. Vi må ta vare på naturen samtidig som vi støtter opp om tiltak for å håndtere klimautfordringene. Vår natur er leveområdet for planter, dyr og fisk. Den er også arena for friluftsliv til glede for folk...

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...