BADESTUNT MED YOUTUBE-STJERNE: Stian Knutsvik lurte fetteren Richard med på badestuntet til Preben Fjell på torsdag. Då var det nemleg ein N i «TYSNES» som skulle improviserast (Alle foto: Ella Sandra Dahl Berland).
BADESTUNT MED YOUTUBE-STJERNE: Stian Knutsvik lurte fetteren Richard med på badestuntet til Preben Fjell på torsdag. Då var det nemleg ein N i «TYSNES» som skulle improviserast (Alle foto: Ella Sandra Dahl Berland).

Frå frukost til badestunt med Preben Fjell

Lite visste Richard Knutsvik kva fetteren Stian hadde lurt han til å bli med på, då han sat fornøgd og naut festivalfrukosten på Mandelhuset torsdag.
Publisert 11.07.2019 kl. 12.47. Oppdatert kl. 13.12.

Etter at eggerøra var fortært, måtte han nemleg hiva seg med Stian på badestuntet til Preben Fjell, kjend frå youtube-duoen «Prebz og Dennis».

– Det var snakk om noko felles morgonbad etterpå, seier Richard mellom tygga.

Fetrane frå Bergen er på Tysnes for første gong, og så langt er dei veldig fornøgde.

– Mmm. Eg trur me kjem til å eta frukost og middag her på Mandelhuset kvar dag, smiler Richard.

– Festival, mat og sol. Det er det me gler oss til.

– Ja, og bad då, legg Stian til.

Saman tusla dei bort til flytenaustet. Der venta programleiar Preben Fjell og resten av radioteamet frå 5000 Bergen Radio.

Stian har vunne helgepass til Tysnesfest gjennom radiokonkurransen deira, og blei oppfordra til å hjelpa Preben med badestuntet hans.

Kvar dag hoppar Preben i sjøen for å samla opp alle bokstavane i «TYSNES». Stuntet starta måndag i Tysnesfest-veka.

– No som me har komt til torsdag, skal me hoppa ein N, og eg treng litt hjelp, seier Fjell.

Ein skulle tru at dette var noko dei hadde øvd inn, men dei fekk altså til ein N «TYSNES» verdig på første forsøk.



LITT NERVØSE: Stian og Richard var ikkje så veldig høge i hatten då dei stod og venta på å utføra stuntet.
LITT NERVØSE: Stian og Richard var ikkje så veldig høge i hatten då dei stod og venta på å utføra stuntet.
FESTIVALFRUKOST: Fetrane var storfornøgde med maten på Mandelhuset, og har planlagt å leggja alle frukostar og middagar hit i festivalhelga.
FESTIVALFRUKOST: Fetrane var storfornøgde med maten på Mandelhuset, og har planlagt å leggja alle frukostar og middagar hit i festivalhelga.

Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.