I UGGDAL: Hissig og godt rusa person vart fredag kveld sendt til arresten i Bergen.
I UGGDAL: Hissig og godt rusa person vart fredag kveld sendt til arresten i Bergen.

21-åring sendt i drukkenskapsarresten

Ein svært rusa 21-årig mann blei fredag kveld teken hand om av politiet og sendt til arresten i Bergen.
Publisert 12.07.2019 kl. 23.02. Oppdatert kl. 23.03.

Operasjonsleiar Terje Magnussen ved Vest politidistrikt opplyser til «Tysnes» fredag kveld at personen var svært utagerande og trua både vakter på staden og politiet.

Hendinga skjedde i Uggdal i 19.30-tida. Saka er loggført hos politiet klokka 19.23.

Ifølgje operasjonsleiar prøvde personen å skalla til politiet. Han vil bli meldt for forholdet og for grove truslar mot offentlege tenestemenn.

– Han var godt rusa og framstod som veldig hissig. Han var vanskeleg heile vegen, og politiet måtte ha ekstra bistand, seier Magnussen.

Etter pågripinga blei mannen frakta til Våge og med båt derifrå til Os og vidare til arresten i Bergen.

Han må forklara seg i avhøyr laurdag.


Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...