KLARE FOR MATOMA: Maren Jensen Nes, Mailinn Helland, Mia Jensen Nes og Annica Vee hadde funne seg til rette på festivalområdet fredag, og venta aller mest på å høyra artisten Matoma.
KLARE FOR MATOMA: Maren Jensen Nes, Mailinn Helland, Mia Jensen Nes og Annica Vee hadde funne seg til rette på festivalområdet fredag, og venta aller mest på å høyra artisten Matoma.

Gler seg til å sjå Matoma

På Gjerstad er konsertkveld nummer to godt i gang. Venninnene Maren Jensen Nes, Mailinn Helland, Mia Jensen Nes og Annica Vee ser særleg fram til at Matoma skal stå på scenen seinare i kveld.
Publisert 12.07.2019 kl. 21.32.

Fyrst ut på Gjerstad fredag var bandet Fucales, som etter kvart vart avløyst av Staut. Festivaldeltakarane sig sakte men sikkert til festivalområdet, og skuleplassen vert på ny omgjort til eit folkehav.


Festivalstemning

Tidleg på plass var venninne-gjengen Maren Jensen Nes, Mailinn Helland, Mia Jensen Nes og Annica Vee. Dei hadde funne seg til rette på plenen, der dei kosa seg i sola. Maren, Mia og Annica er frå Tysnes, medan Mailinn har teke turen frå Fitjar i høve festivalen.

– Det kjekke med festivalen er den gode stemninga, meiner jentene.

Dei kan fortelja at dei tidlegare i dag har vore i hamneområdet og sett på festivallivet, og mellom anna fekk med seg «Ta sjansen» tidlegare i dag. No ser dei fram til å høyra Matoma.

– Og AURORA og, skyt Mia inn med eit smil.


Godt artist-utval

Nokre andre som gledde seg over artist-utvalet på fredag var Victoria Haugland, Lars Fauske, Vilde Størdal og Øystein Haugland.

– Me har høyrt på Staut no, og så gler me oss til å høyra AURORA og Matoma, smiler Lars, og legg til at han synest konserten til Rotlaus i går var bra, før han og dei andre forsvinn inn i folkemengda att.

Desse speler fredag:

Fucales

Staut

10CC

Skambankt

AURORA

DJ Axillar

Matoma




BRILLEFINE: Victoria Haugland, Lars Fauske, Vilde Størdal og Øystein Haugland var blant mange som kosa seg i sommarsola på Gjerstad fredag.
BRILLEFINE: Victoria Haugland, Lars Fauske, Vilde Størdal og Øystein Haugland var blant mange som kosa seg i sommarsola på Gjerstad fredag.
FESTIVALSTEMNING: Medan 10CC spela, byrja festivalområdet å fyllast med glade publikummarar.
FESTIVALSTEMNING: Medan 10CC spela, byrja festivalområdet å fyllast med glade publikummarar.
OPNA SHOWET: Fucales var fyrste band på scenen fredag.
OPNA SHOWET: Fucales var fyrste band på scenen fredag.
ALLSONG: Folk song med då Staut heldt sin konsert.
ALLSONG: Folk song med då Staut heldt sin konsert.
BRITISK ROCK: 10CC var blant banda på Gjerstad fredag.
BRITISK ROCK: 10CC var blant banda på Gjerstad fredag.

Siste saker Gå til framsida

Ynskjer ekstra omsorgsbemanning

Budsjettforhandlingane er godt i gang, og i formannskapet måndag tok Arne Leite (Sp) og Anne Merete Fjeldstad (Ap) til orde for å sjå på høva for å få fleire stillingar inn i omsorgstenestene.