VINNARAR: Yngve Vevatne, og makker Vidar Storesætre, vann «Ta Sjansen» i Våge fredag med supertida 5.56.
VINNARAR: Yngve Vevatne, og makker Vidar Storesætre, vann «Ta Sjansen» i Våge fredag med supertida 5.56.

Vann for andre året på rad

Dei regjerande meistrane i Lunde båtbyggeri innfridde forventningane under «Ta Sjansen»-konkurransen fredag.
Publisert 12.07.2019 kl. 19.12.

– Det byrjar å verta ei vanesak, seier Vidar Storesætre.

Han og Yngve Vevatne har nettopp motteke vandrepokalen som viser at dei vann «Ta Sjansen» i Våge fredag ettermiddag. Hamna var stappfull i folk då 14 heimesnekra båtar sette utfor den blå rampa, og Vidar og Yngve var i særklasse raskast til å få ringt med bjella og stoppa klokka.

– Det vert kanskje litt feiring i kveld, seier Vidar.


14 deltakarar

«Ta Sjansen» har vorte eit populært innslag under Tysnesfest, og i år var også deltakertalet høgare enn i fjor. For eitt år sidan var det åtte båtar som sette utfor rampa, medan det i år var heile 14 påmelde deltakarar.

Fyrst ute var trioen Ørjan Andreasson, Jan Helge Kordts og Iain Parker frå Os.

– Me kallar oss for «En gjeng med idioter», fortel Jan Helge, som var førar på skuta.

Vennegjengen deltok for fyrste gong, og hadde ambisjonane klare før start.

– Me går for fyrsteplass eller fiaskoprisen, sa Iain, før det var deira tur til å opna konkurransen.

Det vart tidleg tydeleg at laget skulle få slita med å kjempa i toppen. Båten skaut fint ut frå rampa, men på det tidspunktet dei neste laga stupte i sjøen for å symja fram til bjella, valde Jan Helge og halda seg i båten. Han kom dermed inn til den beskjedne tida 20.82, men kom tørrskodd til land.

– Det var behageleg å halda seg tørr, fortalde han etter gjennomføringa, medan dei andre karane vurderer om dei sjølve må ta ansvar viss tida skal forbetrast neste år.


Jamt

Neste båt utfor fekk derimot opp farten. Det var Tysnes Industri sin båt, med Vegard Aslaksen som utøvar. Han vart klokka inn på tida 12.46.

– I denne varmen var det igrunn godt med ein dukkert, fortalde han etter symjeturen, men han vil venta med å kommentera tida.

For neste ut var Vågen sin båt, ført av Børge Pedersen. Han kjempa mot tida til Tysnes Industri, men måtte sjå seg slått med 15 hundredelar, noko som gledde Vegard.

– Det viktigaste er å slå Børge, sa han smilande.

Børge på si side peikte på det faktum at det er Tysnes Industri som også har laga båten til Vågen.

– Eg trur han må ha gjort noko med båten, sa han, med glimt i augo.


Leiinga heldt lenge

Det var fleire deltakarar som prøvde å slå tida til Tysnes Industri, men mange måtte sjå seg slått. Tommy Hansen i Hansen Blogg & Betong sørgde for det største plasket i konkurransen, medan Accountor hadde den mest stilfulle bekledninga. Anders Dalland frå Dalland Gard sin taktikk med å imitera ei pølse, var heller ikkje godt nok til å sikra ny bestetid, noko han fann heilt naturleg.

– Har du nokon gong sett ei svømmedyktig pølse? spurde Dalland, då journalisten lurte på kva som gjekk galt.

Derimot var det til slutt sett nye bestetid. Even Skarvatun Måge og Skarvatun VVS sin båt «M/S Badet» var ikkje laga av tre, men av solid metall. Om det var det som gjorde susen er uvisst, men Even tikka inn til ny bestetid på 11.16.

– Båten er godt konstruert. Eg håpar det held til siger, sa Even då han hadde klatra opp av vatnet.


Regjerande meistrar

Nest sist på toppen var Lunde Båtbyggeri med Yngve som førar og Vidar som co-pilot. I fjor vann dei med tida 8.71, og viste nok ein gong at dei var i særklasse i «Ta Sjansen»-feltet.

Yngve skaut ut av rampa som ei kanonkule, og kunne stupa ut i vatnet og slå i bjella etter berre fem sekund og 56 hundredelar.

– Ei heilt sinnsjuk tid, kommenterte Preben Fjell, som var speaker for anledninga.

Det vart dermed ein overlegen siger for karane, som i tillegg til vinnartroféet, i år også får med seg ein vandrepokal.

– Den skal få ein god plass i båtbyggeriet, og me går for å behalda den neste år også.

«En gjeng med idioter» frå Os enda sist, og fekk med seg fiasko-troféet.

– Det var som me sa. Me gjekk for fyrsteplass eller fiasko. Alt eller ingenting, fortel båtførar Jan Helge.

Preben Fjell, som saman med 5000 Bergen Radio-kollega Petter Lavern var speaker for konkurransen, er godt nøgd med arrangementet.

– Det er kult å «showa» litt. Det var bra publikum, og det var dritgøy å vera speaker, seier han.

I fjor var det sjølvaste Tande P som var speaker for konkurransen, og det var dermed store sko å fylla for radio-duoen.

– Det er ei ære å gå i dei fotspora, og det er kult at Tysnesfest held «Ta Sjansen»-konseptet i live, fortel han.








JUBEL: Yngve og Vidar var godt nøgde med sin andre siger på to år.
JUBEL: Yngve og Vidar var godt nøgde med sin andre siger på to år.
UTFORDRAR: Skarvatun VVS sin båt «M/S Badet», ført av Even Skarvatun Måge, enda på andreplass med tida 11.16.
UTFORDRAR: Skarvatun VVS sin båt «M/S Badet», ført av Even Skarvatun Måge, enda på andreplass med tida 11.16.
FIASKO: Trioen «En gjeng med idioter» frå Os gjekk på førehand for fyrsteplass eller fiaskoplass, og fekk med seg fiaskoprisen frå konkurransen. Frå Venstre: Ørjan Andreasson, Jan Helge Kordts og Iain Parker.
FIASKO: Trioen «En gjeng med idioter» frå Os gjekk på førehand for fyrsteplass eller fiaskoplass, og fekk med seg fiaskoprisen frå konkurransen. Frå Venstre: Ørjan Andreasson, Jan Helge Kordts og Iain Parker.
TØRRSKODD: Jan Helge Kordts, som førte båten til osingane, kom seg tørrskodd frå toppen av rampa til bjella, utan at det gjekk særleg raskt av den grunn. (FOTO: Camilla Korsnes)
TØRRSKODD: Jan Helge Kordts, som førte båten til osingane, kom seg tørrskodd frå toppen av rampa til bjella, utan at det gjekk særleg raskt av den grunn. (FOTO: Camilla Korsnes)
PUBLIKUM: Som vanleg hadde mange møtt fram for å følgja «Ta Sjansen» frå hamna i Våge.
PUBLIKUM: Som vanleg hadde mange møtt fram for å følgja «Ta Sjansen» frå hamna i Våge.
PLASK: Tommy Hansen sin båt var den som minna minst om ein båt, og lagde dermed også det største plasket under konkurransen.
PLASK: Tommy Hansen sin båt var den som minna minst om ein båt, og lagde dermed også det største plasket under konkurransen.
HODET FYRST: Den dresskledde bankmannen Steffen Sleire Opdal stod for ikkje for den beste tida, men for eit av dei beste stupa.
HODET FYRST: Den dresskledde bankmannen Steffen Sleire Opdal stod for ikkje for den beste tida, men for eit av dei beste stupa.
STUPEUTFORDRAR: Også Even Skarvatun Måge viste prov på solid stupeteknikk.
STUPEUTFORDRAR: Også Even Skarvatun Måge viste prov på solid stupeteknikk.
STYRTE SHOWET: Preben Fjell frå 5000 Bergen Radio var speakar saman med kollega Petter Lavern.
STYRTE SHOWET: Preben Fjell frå 5000 Bergen Radio var speakar saman med kollega Petter Lavern.
BRUKBART FORSØK: Petter var også med som deltakar sjølv, utan å få ei topptid.
BRUKBART FORSØK: Petter var også med som deltakar sjølv, utan å få ei topptid.
SUVEREN: Yngve Vevatne fekk så god fart at han nesten nådde heilt fram til bjella frå båten.
SUVEREN: Yngve Vevatne fekk så god fart at han nesten nådde heilt fram til bjella frå båten.

Siste saker Gå til framsida

Fekk oppleva barndomsbasaren igjen

Arild Lundeflaten frå Jeløy har ikkje vore på basar sidan han var liten gut, men minna har sete godt. Torsdag fekk han sjansen til å vera med på den årlege storhendinga i Lunde.

Tall Ships Races til Bergen

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell. Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik,...