LIKAR KORTREIST: Ronja Dalland (11) frå Oppdal i Trøndelag koste seg på matgildet med farmor Ruth Sletteskog frå Våge.
LIKAR KORTREIST: Ronja Dalland (11) frå Oppdal i Trøndelag koste seg på matgildet med farmor Ruth Sletteskog frå Våge.

Smakte på lokale matskattar

Det beste av det beste frå lokale matvareprodusentar var samla under eitt tak på Tysnes Matgilde.
Publisert 12.07.2019 kl. 16.04. Oppdatert kl. 16.26.

– Me likar godt å handla lokal mat, seier Ronja Dalland (11) og farmor Ruth Sletteskog som handla i salsbuene under matgildet.

Ein kunne plukka og miksa spesialitetar frå meny, prata med produsentane og handla med seg varer frå buene.

– Her er fantastisk mykje bra. Du har mellom anna ost frå Tveitakjerring og Myrdal gard, og jordbær frå Årbakka, seier Ruth. Ho er svært fornøgd med festivalen i seg sjølv.

– I motsetnad til andre festivalar er det mykje her for barn. Og det er eit fantastisk yrande liv på Tysnesfest, seier ho.


Høgdepunkt etter høgdepunkt

Ronja fekk seg ein tur på konsert torsdag.

–Me var og såg på Hallelujah-gutane og koste oss skikkeleg på barneområdet, smiler ho.

Neste høgdepunkt var å sjå pappa på Ta Sjansen, og vera med på Tysnes Ung.

– Eller. Me møter høgdepunkt etter høgdepunkt, så det er eigentleg litt vanskeleg å velja, ler dei.

– Alle er i kjempehumør. Og med sola på toppen av det heile, så er dette ein eineståande veke.


Imponert

Svein, Venche og Britt Engelsen, og Gunn Mikkelsen Saad kjem frå Bergen men har hytte i Godøysund.

Dei var innom matgildet for å smaka på litt av kvart, og handla brød, jordbær og cider.

– Me er veldig fornøgde, og imponert over alt festivalarrangørane klarar å få til altså, seier dei.

– Og ekstra kjekt er det at det er gratis å komma inn på marknaden i år, avsluttar dei.


MYKJE GODT: Blant leverandørane på matgildet var Villa Lunde Bakeri, Garden på Dalland, Håland gard, Lygre Livsgard, Spildegarden, Evas mat, Årbakkabær, Myrdal gard og Elø.
MYKJE GODT: Blant leverandørane på matgildet var Villa Lunde Bakeri, Garden på Dalland, Håland gard, Lygre Livsgard, Spildegarden, Evas mat, Årbakkabær, Myrdal gard og Elø.
FORNØGDE: Svein, Venche og Britt Engelsen, og Gunn Mikkelsen Saad handla brød frå Villa Lunde, jordbær frå Årbakka og cider frå Elø.
FORNØGDE: Svein, Venche og Britt Engelsen, og Gunn Mikkelsen Saad handla brød frå Villa Lunde, jordbær frå Årbakka og cider frå Elø.

Siste saker Gå til framsida

Godøysund var draumeplassen for mange

Rita Steckmest Sivertsen (52) vaks opp med somrane på Godøysund og hotellet der då familien eigde det. No har ho, broren Tom og mannen hennar, Nils Petter Sivertsen, kjøpt tilbake Godøysund og vil rydda og leggja til rette for at mange igjen kan bruka øyane der til gode naturopplevingar.